രാജ്യത്തെ കൊവിഡ് വ്യാപനത്തിൽ നേരിയ കുറവ്. കഴിഞ്ഞ 24 മണിക്കൂറിനിടെ 61,267 കേസുകളാണ് റിപ്പോർട്ട് ചെയ്യപ്പെട്ടത്. ഇതോടെ രാജ്യത്തെ മൊത്തം കൊവിഡ് രോഗികളുടെ എണ്ണം 66 ലക്ഷം കവിഞ്ഞു.
കഴിഞ്ഞ ദിവസത്തെ കണക്കുകൾ അനുസരിച്ച് 884 പേരാണ് കൊവിഡ് ബാധിച്ച് മരണപ്പെട്ടത്. ഇതോടെ രാജ്യത്തെ കൊവിഡ് മരണനിരക്ക് 1,03,569 ആയി ഉയർന്നു. 9,19,023 ആക്റ്റീവ് കേസുകളാണ് ഇപ്പോൾ രാജ്യത്തുള്ളത്. 56 ലക്ഷത്തിൽ പരം ആളുകൾ കൊവിഡ് മുക്തരായി. രാജ്യത്തിന്റെ കൊവിഡ് മുക്തി റേറ്റ് 84.70 ശതമാനമായി ഉയരുകയും മരണനിരക്ക് 1.55 ശതമാനം കുറയുകയും ചെയ്തു.
ലോകത്തിലെ കൊവിഡ് രോഗബാധിതരുടെ എണ്ണം മൂന്നര കോടിയായി. 10 ലക്ഷം പേരാണ് മരണപ്പെട്ടത്. ആഗോള കൊവിഡ് മരണനിരക്കിൽ ഒന്നാമത് അമേരിക്കയും രണ്ടാമത് ബ്രസീലും മൂന്നാമത് ഇന്ത്യയുമാണ്.