ഡല്ഹി: വിവി പാറ്റ് മെഷീനുകളുടെ പ്രവര്ത്തനത്തില് കേന്ദ്ര തെരഞ്ഞെടുപ്പ് കമ്മീഷനോട് വ്യക്തത തേടി സുപ്രീംകോടതി. അഞ്ച് വിഷയങ്ങളിലാണ് കോടതി വ്യക്തത തേടിയത്. തെരഞ്ഞെടുപ്പ് കമ്മീഷന് ഉദ്യോഗസ്ഥര് ഇന്ന് ഉച്ചയ്ക്ക് രണ്ടിന് കോടതിയില് നേരിട്ടെത്തി വിശദീകരണം നല്കണമെന്നാണ് കോടതിയുടെ നിര്ദേശം.
മൈക്രോ കണ്ട്രോളര് കണ്ട്രോളിംഗ് യൂണിറ്റിലാണോ വിവി പാറ്റിലാണോ ഉളളത്, മൈക്രോ കണ്ട്രോളര് ഒരു തവണയാണോ പ്രോഗ്രാം ചെയ്യുന്നത്, ഹിഹ്നങ്ങള് ലോഡ് ചെയ്യുന്ന യൂണിറ്റുകള് എത്ര, വോട്ടിംഗ് മെഷീന് സീല് ചെയ്ത് സൂക്ഷിക്കുമ്പോള് കണ്ട്രോള് യൂണിറ്റും വിവി പാറ്റും സീല് ചെയ്യുന്നുണ്ടോ, ഇവിഎമ്മിലെ ഡാറ്റ 45 ദിവസത്തില് കൂടുതല് സൂക്ഷിക്കേണ്ടതുണ്ടോ എന്നീ ചോദ്യങ്ങളാണ് കോടതി ചോദിച്ചത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അസോസിയേഷന് ഫോര് ഡെമോക്രാറ്റിക് റിഫോംസ് നല്കിയ ഹര്ജി ജസ്റ്റിസുമാരായ സഞ്ജീവ് ഖന്ന, ദിപാങ്കര് ദത്ത എന്നിവരുടെ ബെഞ്ചാണ് പരിഗണിക്കുന്നത്. കേസിന്റെ പ്രാഥമിക വാദത്തിനിടെ വിവി പാറ്റിന്റെയും ഇവിഎമ്മിന്റെയും പ്രവര്ത്തനം തെരഞ്ഞെടുപ്പ് കമ്മീഷന് ഉദ്യോഗസ്ഥര് കോടതിയില് നേരിട്ട് വിശദീകരിച്ചിരുന്നു. ഇവിഎം സുതാര്യമാണെന്നും കൃത്രിമം കാണിക്കല് സാധ്യമല്ലെന്നും ഉദ്യോഗസ്ഥര് കോടതിയില് പറഞ്ഞു. എല്ലാ വോട്ടുകളും വിവി പാറ്റ് സ്ലിപ്പുകളുമായി ഒത്തുനോക്കുന്നതിന്റെ പ്രായോഗികതയും കമ്മീഷന് കോടതിയില് വിശദീകരിച്ചിരുന്നു.