ബഹിരാകാശത്ത് നിന്ന് സൂര്യോദയത്തിന്റെ മനോഹരമായ നാല് ഫോട്ടോഗ്രാഫുകളുടെ പരമ്പര പങ്കുവെച്ച് നാസ ബഹിരാകാശസഞ്ചാരി. നാസ ബഹിരാകാശയാത്രികൻ ബോബ് ബെൻകെനാണ് സോഷ്യൽ മീഡിയ ഉപയോക്താക്കൾക്കായി ബഹിരാകാശത്തു നിന്നുള്ള അതിശയകരമായ ചിത്രങ്ങൾ പങ്കുവെച്ചത്.
ബഹിരാകാശത്തു നിന്നുള്ള മിന്നലിന്റെ കാഴ്ചകൾ പോസ്റ്റുചെയ്തതിനു ദിവസങ്ങൾക്ക് ശേഷമാണ് ബെഹെൻകെൻ, സൂര്യോദയം പങ്കുവെച്ചത്. ഭൂമിയിൽ നിന്ന് 400 കിലോമീറ്റർ മുകളിൽ നിന്ന് കാണുന്ന രീതിയിലുള്ള ചിത്രങ്ങളാണ് അദ്ദേഹം പകർത്തിയത്. നാല് ഫോട്ടോഗ്രാഫുകളുടെ ഒരു പരമ്പരയിൽ, മുതിർന്ന ബഹിരാകാശയാത്രികൻ അന്താരാഷ്ട്ര ബഹിരാകാശ നിലയത്തിൽ നിന്നാണ് സൂര്യോദയത്തിന്റെ ആദ്യ നിമിഷങ്ങൾ പകർത്തിയത്.
ഓരോ 90 മിനിറ്റിലും അന്താരാഷ്ട്ര ബഹിരാകാശ നിലയം ഭൂമിയെ പരിക്രമണം ചെയ്യുന്നുവെന്ന് ദി അറ്റ്ലാന്റിക് റിപ്പോർട്ട് ചെയ്യുന്നു. ഇതിനർത്ഥം ബഹിരാകാശയാത്രികർ ഓരോ 90 മിനിറ്റിലും ഒരു സൂര്യോദയത്തിന് സാക്ഷ്യം വഹിക്കുന്നു - ഒരു ദിവസം മൊത്തം 16 സൂര്യോദയങ്ങൾ! കുറച്ച് മണിക്കൂറുകൾക്ക് മുമ്പ് ഓൺലൈനിൽ പങ്കിട്ട ചിത്രങ്ങൾക്ക് മിനുട്ടുകള്ക്കുള്ളില് 55,000 ലൈക്കുകളും ആയിരക്കണക്കിന് വിസ്മയകരമായ അഭിപ്രായങ്ങളും ലഭിച്ചു.
ബഹിരാകാശയാത്രികരായ ബോബ് ബെൻകെൻ, ഡഗ് ഹർലി എന്നിവർ മെയ് മാസത്തിൽ സ്പേസ് എക്സിന്റെ ആദ്യ ക്രൂയിഡ് വിമാനത്തിലാണ് അന്താരാഷ്ട്ര ബഹിരാകാശ നിലയത്തിലേക്ക് യാത്രയായത്. രണ്ടുമാസം ഭ്രമണപഥത്തിൽ ചെലവഴിച്ച ശേഷം ഓഗസ്റ്റ് 2 ന് അവർ ഭൂമിയിലേക്ക് മടങ്ങുമെന്നാണ് പ്രതീക്ഷിക്കുന്നത്.