ഡല്ഹി: ഐപിഎല്ലിലെ ആദ്യ മത്സരത്തില് മുംബൈ ഇന്ത്യന്സ് റോയല് ചലഞ്ചേഴ്സ് ബാംഗ്ലൂരിനോട് പരാജയപ്പെട്ടത്തിന് പിന്നാലെ രൂക്ഷവിമര്ശനവുമായി ഓസിസ് താരം ടോം മൂഡി. മുംബൈ ഇന്ത്യന്സ് ഈ രീതിയിലാണ് മുന്പോട്ടുള്ള കളികള് കളിക്കുന്നതെങ്കില് പ്ലേ ഓഫില് പോലും എത്തില്ലെന്ന് ടോം മൂഡി പറഞ്ഞു. പരിഹാരം കാണേണ്ട നിരവധി വിഷയങ്ങള് ടീമിലുണ്ട്. അതെല്ലാം പരിഹരിച്ചാല് മാത്രമേ മുംബൈ ഇന്ത്യന്സിന് മികച്ച വിജയം കൈവരിക്കാന് സാധിക്കുകയുള്ളൂ. ഐ പി എല് തുടങ്ങുന്നതിന് മുന്പ് തന്നെ താന് ഇക്കാര്യം വ്യക്തമാക്കിയതാണെന്നും ഹൈദരാബാദിന്റെ മുന് പരിശീലകന് കൂടിയായിരുന്ന ടോം മൂഡി കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ശനിയാഴ്ച എം എസ് ധോണി നയിക്കുന്ന ചെന്നൈ സൂപ്പര് കിംഗ്സിനെതിരെയാണ് മുംബൈ ഇന്ത്യന്സിന്റെ അടുത്ത മത്സരം. ചെന്നൈക്കെതിരെ ഇറങ്ങുമ്പോള് മുംബൈ നിരയില് ഓപ്പണര്മാരായ രോഹിത് ശര്മയിലും ഇഷാന് കിഷനിലുമാണ് ആരാധകര് പ്രതീക്ഷയര്പ്പിക്കുന്നത്. ആദ്യ മത്സരത്തില് ഇരുവരും തീര്ത്തും നിരാശപ്പെടുത്തിയിരുന്നു. എന്നാല് വരും മത്സരങ്ങളില് ഇവര് കൂടുതല് മികച്ച പ്രകടനം കാഴ്ച്ചവെക്കുമെന്നാണ് ക്രിക്കറ്റ് പ്രേമികള് അവകാശപ്പെടുന്നത്.