ഒരുമാസം നീണ്ട ശാസ്ത്രീയ പരിശോധനകൾക്ക് ഒടുവിലാണ് പതമയുടെ മൃതദേഹം വീട്ടുകാര്ക്ക് വിട്ടുനല്കിയത്. മൃതദേഹം വെട്ടിമുറിക്കപ്പെട്ടതിനാൽ എല്ലാ ഭാഗങ്ങളുടെയും ഡി എന് എ പരിശോധന നടത്തേണ്ടി വന്നിരുന്നു. ഇതിനാലാണ് ഒരു മാസം കാലതാമസം സംഭവിച്ചതെന്നാണ് ഡോക്ടര്മാര് നല്കുന്ന വിശദീകരണം. ഇന്ന് വൈകീട്ടോടെ പത്മയുടെ സംസ്കാരം നടക്കുമെന്ന് മകൻ സെൽവരാജ് പറഞ്ഞു.
നരബലിക്ക് വേണ്ടി എറണാകുളം ജില്ലയിലെ കാലടിയില് നിന്നും തിരുവല്ലയില് നിന്നും തട്ടിക്കൊണ്ടുപോയ സ്ത്രീകളുടെ മൃതദേഹങ്ങള് ഭഗവല് സിങിന്റെ വീട്ടുവളപ്പില് നിന്നും കണ്ടെത്തിയിരുന്നു. കൊല്ലപ്പെട്ട സ്ത്രീകളുടെ ഡി എന് എയ്ക്ക് ആവശ്യമായ സാമ്പിളുകള് ഉന്നത പോലീസ് ഉദ്യോഗസ്ഥരുടെ നേതൃത്വത്തില് ശേഖരിച്ചു.