ഡല്ഹി: എഐസിസി സംഘത്തെ ദ്വീപില് പ്രവേശിക്കാനനുവദിക്കാതെ ലക്ഷദ്വീപ് അഡ്മിനിസ്ട്രേഷന്. രണ്ട് തവണ കത്ത് നല്കിയിട്ടും അഡ്മിനിസ്ട്രേഷന് അനുമതി നല്കിയില്ല. ദ്വീപില് 144 പ്രഖ്യാപിച്ചതും കൊവിഡ് നിയന്ത്രണങ്ങളുമെല്ലാം ചൂണ്ടിക്കാട്ടിയാണ് അനുമതി നിഷേധിച്ചിരിക്കുന്നത്. ജില്ലാ പഞ്ചായത്തുകളുടെ അധികാരങ്ങള് അഡ്മിനിസ്ട്രേറ്റര് കവര്ന്നെടുത്തിരിക്കുകയാണ്. പ്രതിഷേധങ്ങളെ അടിച്ചമര്ത്തി ദ്വീപിലെ ജനങ്ങളെ സംഘ്പരിവാറും അഡ്മിനിസ്ട്രേറ്ററും ചേര്ന്ന് ഭയപ്പെടുത്തുകയാണെന്ന് പ്രതിപക്ഷ നേതാവ് വിഡി സതീശന് പറഞ്ഞു.
ലക്ഷദ്വീപിലെ ജനങ്ങള് ഭീതിയിലാണ്. ലക്ഷദ്വീപ് നിവാസികളെ പീഡിപ്പിക്കുന്നവര് രാജ്യത്തിന്റെ ശത്രുക്കളാണ്. എഐസിസി സംഘത്തിന് സന്ദര്ശാനുമതി നിഷേധിച്ചത് ഫാഷിസമാണ്. എല്ലാവരും ലക്ഷദ്വീപ് നിവാസികള്ക്ക് ഐക്യദാര്ഢ്യം പ്രഖ്യാപിക്കണമെന്ന് മുല്ലപ്പളളി രാമചന്ദ്രന് ആവശ്യപ്പെട്ടു. ലക്ഷദ്വീപ് അഡ്മിനിസ്ട്രേറ്റര് പ്രഫുല് പട്ടേല് മാത്രമാണ് ലക്ഷദ്വീപിലെ എക ഗുണ്ടയെന്ന് കെ മുരളീധരന് അഭിപ്രായപ്പെട്ടു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ഭരണപരിഷ്കാരങ്ങള്ക്കുപുറമേ ലക്ഷദ്വീപില് 15 സ്കൂളുകള് കൂടി പൂട്ടി. കില്ത്താനില് മാത്രം 4 സ്കൂളുകളാണ് പൂട്ടിയത്. ആവശ്യത്തിന് അധ്യാപകരില്ലെന്നാണ് അഡ്മിനിസ്ട്രേഷന്റെ വാദം. ലക്ഷദ്വീപിനെ കാവിവല്ക്കരിക്കാനുളള കേന്ദ്രസര്ക്കാരിന്റെ നടപടികള്ക്കെതിരെ നിരവധി പേരാണ് രംഗത്തെത്തിയത്.