അഞ്ച് സംസ്ഥാനങ്ങളില് നടന്ന നിയമസഭാ തെരഞ്ഞെടുപ്പിന്റെ വോട്ടെണ്ണല് ഇന്ന് നടക്കും. കേരളം, പശ്ചിമ ബംഗാള്, അസം, പുതുച്ചേരി, തമിഴ്നാട് എന്നിവിടങ്ങളിലെ ജനവിധിയാണ് ഇന്ന് പുറത്തുവരിക. അതിതീവ്ര കൊവിഡ് വ്യാപനത്തിന്റെ പശ്ചാത്തലത്തില് എറെ രാഷ്ട്രീയ പ്രാധാന്യം ഉള്ളതാണ് പുറത്ത് വരുന്ന തെരഞ്ഞെടുപ്പ് ഫലം. കൊവിഡ് പ്രതിരോധ ക്രമീകരണങ്ങളുടെ പശ്ചാത്തലത്തില് ഫലം പ്രസിദ്ധീകരിക്കുന്നത് എല്ലാ സംസ്ഥാനങ്ങളിലും പതിവിലും വൈകും എന്നാണ് വിവരം.
അതേസമയം കേരളത്തില് എട്ടു മണിയോടെ വോട്ടെണ്ണല് ആരംഭിച്ചു കഴിഞ്ഞു. പോസ്റ്റല് വോട്ടുകളാണ് ആദ്യം എണ്ണിയത്. ആദ്യ ഫലസൂചനകള് പുറത്തുവന്നുതുടങ്ങി. 80-ല് അധികം സീറ്റുകളില് എല്ഡിഎഫാണ് ലീഡ് ചെയ്യുന്നത്. ബംഗാളില് തൃണമൂല് കോണ്ഗ്രസും ബിജെപിയും തമ്മില് ഇഞ്ചോടിഞ്ച് പോരാട്ടമാണ് നടക്കുന്നത്. അസമിലും പുതുച്ചേരിയിലും ബിജെപിക്കാണ് ആധിപത്യം. തമിഴ്നാട്ടില് ഡിഎംകെയാണ് കൂടുതല് സീറ്റുകളില് മുന്നേറുന്നത്.