കൊറോണ വൈറസ് ബാധയെന്ന സംശത്തിൽ ആശുപത്രിയില് നിരീക്ഷണത്തിലായിരുന്ന ആള് ചാടിപ്പോയി. മംഗളൂരുവിലെ സർക്കാർ ആശുപത്രിയില്നിന്നാണ് മുങ്ങിയത്. ശനിയാഴ്ചയാണ് ഇയാളെ ആശുപത്രിയിൽ പ്രവേശിപ്പിച്ചത്. ആശുപത്രിയിലെ ഐസൊലേഷന് വാര്ഡില് ആയിരുന്നു ഇയാള്. അധികൃതരുടെ കണ്ണുവെട്ടിച്ച് രാത്രി ഇയാൾ കടന്നു കളയുകയായിരുന്നു. ദുബായിൽ നിന്ന് എത്തിയതായിരുന്നു ഇയാൾ.
രാജ്യത്ത് കൊറോണ വൈറസ് ബാധ സ്ഥിരീകരിച്ചവരുടെ എണ്ണം 42 ആയി. ഇതുവരെ രാജ്യത്ത് 42 പേര്ക്ക് കൊറോണ വൈറസ് സ്ഥിരീകരിച്ചതായി കേന്ദ്ര ആരോഗ്യമന്ത്രാലയം സ്പെഷ്യല് സെക്രട്ടറി സഞ്ജീവ് കുമാര് അറിയിച്ചു ഇന്ന് ഒരാള്ക്ക് കൂടി കേരളത്തില് കൊറോണ വൈറസ് സ്ഥിരീകരിച്ചു. ഇതോടെ സംസ്ഥാനത്ത് കൊറോണ വൈറസ് ബാധിച്ചവരുടെ എണ്ണം ആറായി. ഇറ്റലിയില് നിന്ന് കുടുംബത്തൊടൊപ്പം കൊച്ചിയില് എത്തിയ മൂന്നുവയസുളള കുട്ടിക്കാണ് കൊറോണ സ്ഥിരീകരിച്ചത്. കുട്ടിയുടെ മാതാപിതാക്കള് നിരീക്ഷണത്തിലാണ്. കുട്ടിയുമായി അടുത്ത് ഇടപഴകിയ മറ്റുളളവരെയും നിരീക്ഷണത്തിലാക്കിയിട്ടുണ്ട്.