ഡല്ഹി: പൗരത്വഭേദഗതി നിയമപ്രകാരമുളള ചട്ടങ്ങള് തയാറാക്കിക്കൊണ്ടിരിക്കുകയാണെന്ന് കേന്ദ്ര ആഭ്യന്തരമന്ത്രാലയം. 2020 ഒക്ടോബര് 21 മുതല് നിയമം പ്രാബല്യത്തില് വന്നിട്ടുണ്ടെന്നും ആഭ്യന്തര മന്ത്രാലയം വ്യക്തമാക്കി. സിഎഎക്കു കീഴിലുളള ചട്ടങ്ങള് തയാറാക്കിയിട്ടുണ്ടോ എന്ന കോണ്ഗ്രസ് എംപി ദിഗ്വിജയ് സിംഗിന്റെ ചോദ്യത്തിന് മറുപടിയായാണ് ആഭ്യന്തര മന്ത്രാലയത്തിന്റെ പ്രസ്താവന.
2020ല് പ്രാബല്യത്തില് വന്ന പൗരത്വഭേദഗതിക്കായുളള ചട്ടങ്ങള് തയാറാവുന്നുണ്ട്, നിയമങ്ങള് നിര്മിക്കുന്നതിനായി ലോക്സഭയും രാജ്യസഭയും ഏപ്രില് 9-ല് നിന്ന് ജൂലൈ 9 വരേക്ക് സമയം അനുവദിച്ചിട്ടുണ്ടെന്നും ആഭ്യന്തര സഹമന്ത്രി നിത്യാനന്ദ് റായ് കൂട്ടിച്ചേര്ത്തു.
2015-നു മുന്പ് ഇന്ത്യയിലെത്തിയ അഫ്ഗാനിസ്ഥാന്, പാക്കിസ്ഥാന്, ബംഗ്ലാദേശ് എന്നിവിടങ്ങളില് നിന്നുമുളള ഹിന്ദു, സിഖ്, ബുദ്ധ , ജൈന,പാര്സി, ക്രിസ്ത്യന് അഭയാര്ത്ഥികള്ക്ക് പൗരത്വം അനുവദിക്കുന്നതാണ് പുതിയ പൗരത്വ നിയമം. ഫെബ്രുവരിയില് ഡല്ഹിയില് പൗരത്വ നിയമത്തെ എതിര്ക്കുന്നവരും അനുകൂലിക്കുന്നവരും തമ്മിലൂണ്ടായ സംഘര്ഷത്തില് 53 പേരാണ് മരണപ്പെട്ടത്.