സംസ്ഥാനത്ത് മദ്യത്തിന്റെ പുതുക്കിയ വില നിലവിൽ വന്നു. ബിയറിനും വൈനിനും ഒഴികെ എല്ലാ മദ്യത്തിനും വില വർദ്ധിച്ചിട്ടുണ്ട്. മദ്യത്തിന്റ അടിസ്ഥാന വിലയുടെ 7 ശതമാനമാണ് വർദ്ധിപ്പിച്ചത്. ഒരു ലിറ്റർ മദ്യത്തിന് 40 രൂപ മുതലാണ് വില വർദ്ധിച്ചത്. 40 രൂപയിൽ 35 രൂപയും സർക്കാരിനും മദ്യകമ്പനിക്ക് നാല് രൂപയും ബെവ്കോക്ക് ഒരു രൂപയുമാണ് ലഭിക്കുക. വില കൂട്ടുന്നതിലൂടെ സർക്കാറിന് ഒരു വർഷം ഏകദേശം ആയിരം കോടി രൂപ അധികമായി ലഭിക്കും.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
മദ്യവില കുറയ്ക്കുന്നത് പരിഗണനയിലെന്ന് എക്സൈസ് മന്ത്രി ടി പി രാമകൃഷ്ണന് കഴിഞ്ഞ ദിവസം പറഞ്ഞിരുന്നു. മദ്യത്തിനുള്ള നികുതിയിൽ ഇളവ് നൽകണമെന്ന നിര്ദ്ദേശം പരിഗണിക്കുമെന്നും മന്ത്രി വ്യക്തമാക്കി. സംസ്ഥാനത്ത് മദ്യത്തിന്റെ വില വർധിപ്പിച്ചതിനു പിന്നിൽ അഴിമതിയുണ്ടെന്ന പ്രതിപക്ഷ ആരോപണം അടിസ്ഥാനരഹിതമാണെന്നും മന്ത്രി വ്യക്തമാക്കി. നിലവിൽ കേരളത്തിലാണ് മറ്റ് സംസ്ഥനങ്ങളേക്കാള് ഉയര്ന്ന മദ്യനികുതിയുള്ളത്. അസംസ്കൃത വസ്തുകളുടെ വില വര്ധനയാണ് മദ്യവില കൂട്ടാന് കാരണം. നികുതി കുറച്ചുകൊണ്ട് വില നിയന്ത്രിക്കുന്നത് പരിശോധിക്കുമെന്നും മന്ത്രി അറിയിച്ചു.