ഇസ്ലാമാബാദ്: ചൈനയുടെ വാക്‌സിന്‍ സ്വീകരിച്ച് പാക്കിസ്ഥാന്. ചൈനയില്‍ നിന്ന് ആദ്യഘട്ട സിനോഫോം വാക്‌സിനുകള്‍ ലഭിച്ചതായി പാക്കിസ്ഥാന് ആരോഗ്യ ഉപദേഷ്ടാവ് ഫൈസല്‍ സുല്‍ത്താന്‍ പറഞ്ഞു. സിനോഫോമിന്റെ അഞ്ച് ലക്ഷം ഡോസ് വാക്‌സിനാണ് ആദ്യഘട്ടത്തില്‍ പാക്കിസ്ഥാനിലെത്തിക്കുന്നത്. ഇതോടെ പാക്കിസ്ഥാന് വാക്‌സിനേഷന്‍ പ്രക്രിയ ആരംഭിക്കാന്‍ കഴിയുമെന്ന് അധികൃതര്‍ അറിയിച്ചു.
സിനോഫോമിന്റെ ആദ്യഘട്ട വാക്‌സിന്‍ എത്തി, ദൈവത്തിന് നന്ദി, ചൈനയോടും ഇതിനായി പ്രവര്‍ത്തിച്ച എല്ലാവരോടും നന്ദിയുണ്ടെന്ന് ഫൈസല്‍ സുല്‍ത്താന്‍ ട്വീറ്റ് ചെയ്തു. രാജ്യത്തെ ആരോഗ്യപ്രവര്‍ത്തകര്‍ക്കാവും ആദ്യഘട്ടത്തില്‍ വാക്‌സിന്‍ നല്‍കുകയെന്നും അദ്ദേഹം പറഞ്ഞു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
പാക്കിസ്ഥാന് ചൈനയോട് ഒരു ദശലക്ഷം ഡോസ് വാക്‌സിന്‍ കൂടി ആവശ്യപ്പെട്ടിട്ടുണ്ട്. മാത്രമല്ല വികസ്വര രാജ്യങ്ങള്‍ക്ക് വാക്‌സിനുകള്‍ നല്‍കുന്ന ആഗോള പദ്ധതി പ്രകാരം 17 ദശലക്ഷം അസ്ട്രാസെനക വാക്‌സിനും പാക്കിസ്ഥാന് ലഭിക്കും. അഞ്ച് ലക്ഷത്തി നാല്‍പ്പത്തിയാറായിരത്തിലേറേ പേര്‍ക്കാണ് പാക്കിസ്ഥാനില്‍ ഇതുവരെ കൊവിഡ് സ്ഥിരീകരിച്ചത്. 11,828 മരണവും റിപ്പോര്‍ട്ട് ചെയ്തിട്ടുണ്ട്.
