കൊറോണ മൃഗങ്ങളിലും പടരുന്നു. ഹോങ്കോങ്ങിലാണ് മൃഗങ്ങളിൽ കൊറോണ സ്ഥിരീകരിച്ചത്. കൊറോണ വൈറസ് ബാധിച്ച സ്ത്രീയുടെ പൊമറേനിയൻ വളര്ത്തുനായക്കാണ് കൊറോണ വൈറസ് ബാധിച്ചത്. ലോകത്ത് ആദ്യമായാണ് മനുഷ്യരില് നിന്ന് മൃഗങ്ങളിലേക്ക് രോഗം പടര്ന്നാതായി റിപ്പോര്ട്ട് ചെയ്യപ്പെടുന്നത്.
നായക്ക് രോഗം ബാധിച്ചതായുള്ള സംശയത്തെ തുടര്ന്ന് പരിേശാധനക്ക് വിധേയമാക്കുകയായിരുന്നു. നായയെ മൃഗസംരക്ഷണ കേന്ദ്രത്തില് നീരീക്ഷണത്തിലാക്കി. കൊറോണ വൈറസ് ബാധിച്ച 60 കാരിയുടെ വളർത്തുനായയാണ് ഇത്. നായയുടെ സാമ്പിളുകൾ പരിശോധിച്ചാണ് രോഗം സ്ഥിരീകരിച്ചത്. മനുഷ്യനിൽ നിന്നാണ് രോഗം നായയിൽ എത്തിയതെന്ന് ആരോഗ്യ വിഭാഗം കണ്ടെത്തിയിട്ടുണ്ട്. നായ ഇതു വരെ രോഗലക്ഷണങ്ങൾ പ്രകടമാക്കാത്തത് ആരോഗ്യപ്രവർത്തകരെ ആശയക്കുഴപ്പത്തിലാക്കിയിട്ടുണ്ട്. എല്ലാ വളര്ത്തുമൃഗങ്ങളെയും 14 ദിവസത്തെ നിരീക്ഷണത്തില് സൂക്ഷിക്കാന് ഹോങ്കോങ് സര്ക്കാര് നിർദ്ദേശിച്ചിട്ടുണ്ട്. ഉടമസ്ഥന് രോഗബാധ കണ്ടെത്തിയതിനെ തുടർന്ന് രണ്ടു നായ്ക്കളെ നിരീക്ഷണത്തിലാക്കി