തൃശൂര്: വരാനിരിക്കുന്ന നിയമസഭ തെരഞ്ഞെടുപ്പില് തന്റെ പാര്ട്ടിയായ നവ കേരള പീപ്പിള്സ് പാര്ട്ടി ആറ് സീറ്റുകളില് വിജയിച്ച് നിര്ണായക ശക്തിയായി മാറുമെന്ന് നടന് ദേവന്. പാർട്ടി 20 മണ്ഡലങ്ങളില് മത്സരിക്കുമെന്നും കൗമുദി ചാനലിന് നല്കിയ അഭിമുഖത്തിൽ പറയുന്നു. വരുന്ന നിയമസഭാ തെരഞ്ഞെടുപ്പ് കഴിഞ്ഞാൽസര്ക്കാര് രൂപീകരിക്കാന് ആര്ക്കും ഭൂരിപക്ഷമില്ലാത്ത സാഹചര്യമായിരിക്കും ഉണ്ടാവുക. അപ്പോൾ പാര്ട്ടികള്ക്ക് സര്ക്കാര് രൂപീകരിക്കാന് തന്റെ സഹായം തേടേണ്ടി വരുമെന്നാണ് ദേവൻ അവകാശപ്പെടുന്നു. രാഷ്ട്രീയം മലിനമാക്കപ്പെട്ടിട്ടുണ്ട്. പെട്ടെന്ന് മാറ്റാന് കഴിയില്ല. ശുദ്ധികലശം വേണം. അഴിമതിക്കാരായ എല്ലാ രാഷ്ട്രീയക്കാരെയും പരാജയപ്പെടുത്തുകയാണ് തന്റെ പാര്ട്ടിയുടെ ലക്ഷ്യമെന്നും ദേവന് പറഞ്ഞു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
മൂന്ന് മുന്നണികളും വ്യക്തികളുടെ സ്വാര്ത്ഥ താല്പര്യങ്ങള്ക്ക് വേണ്ടിയാണ് നില്ക്കുന്നതെന്നും ദേവന് കുറ്റപ്പെടുത്തി. മതിലുകളിലല്ല, ജനങ്ങളുടെ ഹൃദയത്തിലാണ് താന് പോസ്റ്ററുകള് ഒട്ടിക്കുന്നതെന്നും ദേവന് പറഞ്ഞു. 2004ല് വടക്കാഞ്ചേരിയില് മത്സരിച്ചത് ആശയപ്രചരണത്തിന് വേണ്ടിയായിരുന്നെന്നും എന്നാല് ഇപ്പോള് മത്സരിക്കുന്നത് വിജയിക്കാന് വേണ്ടിയാണെന്നും വിജയിക്കുമെന്ന ആത്മവിശ്വാസം തനിക്കുണ്ടെന്നും ദേവന് അഭിമുഖത്തില് പറഞ്ഞു.