സീറ്റെത്ര കുറഞ്ഞാലും നിതീഷ് കുമാര് തന്നെ മുഖ്യമന്ത്രി -- പ്രധാനമന്ത്രി മോഡിയും ബിജെപിയിലെ പ്രാദേശിക നേതാക്കന്മാരും കേരളത്തിലെ പ്രമുഖ നേതാവ് അല്ഫോന്സ് കണ്ണന്താനവും ഇക്കാര്യം അസന്നിഗ്ദമായി പ്രഖ്യാപിച്ചു. ഞാനും നിങ്ങളെപ്പോലെ കോരിത്തരിച്ചു. എന്തൊരു ആദര്ശാത്മകമായ നിലപാട്. സീറ്റെണ്ണത്തില് ബിജെപി ഇത്രയൊക്കെ മുന്നേറിയിട്ടും ആ അഹങ്കാരമല്ല, വന്ന വഴിയെ കുറിച്ചുള്ള ഓര്മ, ആ എളിമ,അതാണ് അവരെ നയിക്കുന്നത്.
അവസാനം എന്തുണ്ടായി? സ്വന്തം ശരീരത്തില് ചവിട്ടി അവനവന്റെ സംസ്ഥാനങ്ങളില് ബിജെപി പ്രബലരാകുന്നത് കണ്ടുനില്ക്കേണ്ടി വന്നു, മെഹബൂബ മുഫ്തിയെപ്പോലെ, മമത ബാനര്ജിയെപ്പോലെ ചിരാഗ് പസ്വാന്റെ വികൃതിയിലെന്ന വ്യാജേന ഒതുക്കപ്പെട്ട നിതീഷ് കുമാറിനെ പോലെ... ബാക്കി നിങ്ങള് പൂരിപ്പിച്ചോളൂ. ബീഹാറിനെ കുറിച്ചു എനിക്കേറെ പറയാനുണ്ട്. വീണ്ടും വരാം. ഇപ്പോള് അവസാനമായി ഒറ്റക്കാര്യമേ പറയാനുള്ളൂ. നിഷ്കളങ്കരായ എന്റെ പ്രിയപ്പെട്ടവരേ നമുക്ക് ഇതുവരെ ബിജെപിയെ തിരിഞ്ഞിട്ടില്ല. തിരിയണമെങ്കില് പഴയ കോളനി വാഴ്ചയുടെ ചരിത്രവും നാട്ടുരാജ്യങ്ങള് പിടിച്ചെടുക്കാന് ദാല്ഹൌസി പ്രഭു നടത്തിയ കള്ളക്കളികളും ഒന്ന് വായിച്ചു നോക്കണം.