ഡല്‍ഹി: ജനനത്തിയതി തെളിയിക്കാനുളള രേഖകളുടെ പട്ടികയില്‍ നിന്ന് ആധാറിനെ ഒഴിവാക്കി എംപ്ലോയീസ് പ്രൊവിഡന്റ് ഫണ്ട് ഒര്‍ഗനൈസേഷന്‍ (ഇപിഎഫ്‌ഐ). ഇനിമുതല്‍ ജനനത്തിയതി തെളിയിക്കാന്‍ ആധാര്‍ നല്‍കാനാവില്ല. യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യയുടെ (യുഐഡിഎഐ) നിര്‍ദേശപ്രകാരമാണ് ഇപിഎഫ് ഐയുടെ നീക്കം. ആധാര്‍ ഒരു ഐഡന്റിറ്റി വെരിഫിക്കേഷന്‍ ടൂള്‍ മാത്രമാണെന്നും ജനനത്തിയതി തെളിയിക്കാനുളള രേഖയല്ലെന്നും ഇപിഎഫ് ഐ ജനുവരി 16 പുറത്തിറക്കിയ സര്‍ക്കുലറില്‍ പറയുന്നു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഏതെങ്കിലും അംഗീകൃത സര്‍ക്കാര്‍ ബോര്‍ഡ് അല്ലെങ്കില്‍ യൂണിവേഴ്‌സിറ്റി നല്‍കുന്ന മാര്‍ക്ക്ഷീറ്റ്. സ്‌കൂള്‍ ലീവിംഗ് സര്‍ട്ടിഫിക്കറ്റ്, സ്‌കൂള്‍ ട്രാന്‍സ്ഫര്‍ സര്‍ട്ടിഫിക്കറ്റ്, പാന്‍ കാര്‍ഡ്, സര്‍വ്വീസ് രേഖകളെ അടിസ്ഥാനമാക്കിയുളള സര്‍ട്ടിഫിക്കറ്റ്, കേന്ദ്ര-സംസ്ഥാന പെന്‍ഷന്‍ പെയ്‌മെന്റ് ഓര്‍ഡര്‍, സര്‍ക്കാര്‍ നല്‍കുന്ന ഡൊമിസൈല്‍ സര്‍ട്ടിഫിക്കറ്റ്, പാസ്‌പോര്‍ട്ട്, സിവില്‍ സര്‍ജന്‍ നല്‍കുന്ന മെഡിക്കല്‍ സര്‍ട്ടിഫിക്കറ്റ് എന്നിവയാണ് ജനനത്തിയതി തെളിയിക്കുന്നതിനായി ഇപിഎഫ് ഐ സ്വീകരിക്കുന്ന രേഖകള്‍.
