ഡല്ഹിയിലെയും സമീപ പ്രദേശങ്ങളിലേയും വായുമലിനീകരണനിരക്ക് വളരെഗുരുതരമായിതുടരുന്നു തുടരുന്നു. ഡല്ഹിയിലെ വായുവിന്റെ ഗുണനിലവാരസൂചിക (എക്യുഐ) 302 ആയതായി കേന്ദ്ര മലീനീകരണ നിയന്ത്രണ ബോര്ഡ് വ്യക്തമാക്കി. സോണിയവിഹാറില് 362ഉം ഭാവാനയില് 345ഉം പത്പര്ഗഞ്ചില് 326ഉം ജഹാങ്കിര്പുരിയില് 373ഉം ആണ് മലിനീകരണനിരക്ക്.
വായു ഗുണനിലവാര സൂചിക അനുസരിച്ച് 0 മുതല് 50 വരെയാണെങ്കില് നല്ലതാണെന്നും, 51 മുതല് 100 വരെ തൃപ്തികരമെന്നും101 മുതല് 200 വരെ മിതമായതെന്നും, 201 മുതല് 300 വരെ മോശവും 300 മുതല് 400 വരെ വളരെ മോശമെന്നും 400 മുതല് 500 വരെ കഠിനമെന്നുമാണ് രേഖപ്പെടുത്തുക.
സൂചികയില് മുന്നുറിനു മുകളില് പോകുന്നത് ശ്വാസകോശ സംബന്ധമായ അസുഖങ്ങള്ക്ക് കാരണമാവും. അതേസമയം, ഡല്ഹിയില് കഴിഞ്ഞ ഇരുപത്തിനാല് മണിക്കൂറിനിടെ വായു ഗുണനിലവാര സൂചിക 364 ആയി ഉയര്ന്നു. ഗ്രേറ്റര് നോയിഡയില് 388ഉം നോയിഡയിലും ഗസിയാബാദിലും 384ഉം ഫരീദാബാദില് 354ഉം ആയിരുന്നു കഴിഞ്ഞ ഇരുപത്തിനാല് മണിക്കൂറിനിടെ രേഖപ്പെടുത്തിയത്.
അമേരിക്കന് തെരഞ്ഞെടുപ്പ് പ്രചാരണത്തിനിടെ ഡല്ഹിയിലെ വായുമലിനികരണം സംബന്ധിച്ച് പ്രസിഡന്റ് ട്രംപ്നടത്തിയ പരാമര്ശം ഏറെ വിവാദമായിരുന്നു. ഇന്ത്യയും പ്രധാനമന്ത്രി നരേന്ദ്ര മോദിയും അമേരിക്കയുടെ ഏറ്റവും വലിയ സുഹൃത്താണ് എന്ന് ട്രംപ് ഇടയ്ക്കിടെ പറയുമെങ്കിലും നിര്ണായകഘട്ടത്തില് ഇന്ത്യയെ തള്ളിപ്പറയുന്നനിലപാടാണ് അദ്ദേഹം എക്കാലവും സ്വീകരിച്ചു പോരുന്നത് എന്ന് എതിര്സ്ഥാനാര്ഥി ജോബൈഡനും തിരിച്ചടിച്ചിരുന്നു.