ഡല്ഹി ജാഫറാബാദിൽ പൗരത്വഭേദഗതി നിയമത്തിനെതിരായ പ്രതിഷേധത്തിനിടെ കല്ലേറ്. സിഎഎ അനുകൂല മുദ്രാവാക്യങ്ങളുമായെത്തിയവർ സമരക്കാര്ക്ക് നേരെ കല്ലെറിയുകയായിരുന്നു. അതോടെ സമരം ചെയ്യുന്നവരും തിരിച്ച് കല്ലെറിഞ്ഞു. പൊലീസ് കണ്ണീർവാതകം പ്രയോഗിച്ചാണ് അക്രമികളെ ഓടിച്ചത്. ആര്ക്കും പരുക്കില്ല. സ്ത്രീകൾ തുടങ്ങിയ ഉപരോധസമരത്തിനെതിരെ ബിജെപി നേതാവ് കപിൽ മിശ്ര പ്രതിഷേധത്തിന് ആഹ്വാനം ചെയ്തിരുന്നു. അതിനുശേഷമാണ് അക്രമമുണ്ടായത്.
പൗരത്വ നിയമ ഭേദഗതിക്കെതിരെയാണ് ഡൽഹിയിലെ ജാഫറാബാദിൽ അഞ്ഞൂറിലേറെ സ്ത്രീകള് മെട്രോ സ്റ്റേഷന് സമീപം റോഡ് ഉപരോധിക്കുന്നത്. ഇതേത്തുടര്ന്ന് ജാഫറാബാദ് മെട്രോ സ്റ്റേഷന് അടച്ചു. അലിഗഢിലും സംഘർഷമുണ്ടായി. കാറുകൾ കത്തിച്ചു. സമരം നടക്കുന്ന അലിഗഢിലെ ദില്ലി ഗേറ്റിലാണ് സംഘർഷം നടന്നത്.