ഡല്ഹി: ജൂണ് 29-ന് പ്രശസ്തമായ കര്ത്താപ്പൂര് ഇടനാഴി വീണ്ടും തുറക്കാമെന്ന പാക്കിസ്ഥാന് ആശയത്തെ തള്ളി ഇന്ത്യ. തീരുമാനങ്ങള്ക്ക് ഏഴുദിവസത്തെ സമയം നല്കണമെന്ന ഉപാധി പോലും സ്വീകരിക്കാതെ വെറും രണ്ടു ദിവസം സമയം മാത്രം നല്കിയെടുത്ത ഈ നിലപാട് സ്വീകാര്യമല്ലെന്നാണ് ഇന്ത്യ അറിയിച്ചത്. പാക്കിസ്ഥാന് മഹത്തരമായ സൗഹാര്ദത്തിന്റെ ചിത്രം ഉണ്ടാക്കിയെടുക്കാന് ശ്രമിക്കുകയാണെന്ന് സര്ക്കാര് വൃത്തങ്ങള് പ്രതികരിച്ചു.
കൊവിഡ് വ്യാപനത്തെ തുടര്ന്ന് പൊതു ഇടങ്ങള് അടച്ചിടാനുള്ള തീരുമാനത്തോടനുബന്ധിച്ച് മാര്ച്ച് 16-നാണ് കര്ത്താപൂര് ഇടനാഴി അടച്ചിട്ടത്. 2019 നവംബറിനാണ് ഇടനാഴി അവസാനമായി തുറന്നത്. അന്തര്ദേശീയ യാത്രാ കവാടങ്ങള് തുറക്കുന്നതിനു മുന്നോടിയായി ഏഴു ദിവസത്തെ സാവകാശം ഇന്ത്യ ആവശ്യപ്പെട്ടിരുന്നു.
കര്ത്താപ്പൂര് ഇടനാഴി തുറക്കുന്ന കാര്യം ചര്ച്ചകളൊന്നും നടത്താതെയാണ് പാക്കിസ്ഥാന് ആഭ്യന്തരകാര്യ മന്ത്രി ശനിയാഴ്ച രാവിലെ ട്വീറ്റ് ചെയ്തത്. എല്ലാ ആരാധനാലയങ്ങളും തുറക്കുന്ന ഈ സാഹചര്യത്തില്, ഇന്ത്യന് സിഖ് തീര്ത്ഥാടകര്ക്കായാണ് ഇടനാഴി തുറക്കാന് തീരുമാനിച്ചതെന്ന് അദ്ദേഹം പറഞ്ഞു. മഹാരാജ രണ്ജീത് സിംഗ്ന്റെ ചരമവാര്ഷിക ദിനമായ 2020 ജൂണ് 29-ന് തുറക്കാനാണ് തീരുമാനം. സിഖ് മത സ്ഥാപകനായ ഗുരു നാനാക്ക് തന്റെ അവസാനകാലം ചിലവഴിച്ചതെന്ന് വിശ്വസിക്കപ്പെടുന്ന ഈ സ്ഥലം മത വിശ്വാസികള്ക്ക് ഏറെ പ്രധാനപ്പെട്ടതാണ്.