ഡല്‍ഹി: പ്രധാനമന്ത്രി നരേന്ദ്രമോദിക്കെതിരെ രൂക്ഷ വിമര്‍ശനവുമായി ബിജെപി നേതാവ് സുബ്രമണ്യന്‍ സ്വാമി. മോദി ബിജെപിക്ക് ഒരു ബാധ്യതയാണെന്നും അദ്ദേഹത്തെ മാറ്റിനിര്‍ത്തി ഭൂരിപക്ഷം നേടാനാണ് പാര്‍ട്ടി നോക്കേണ്ടതെന്നും സുബ്രമണ്യന്‍ സ്വാമി പറഞ്ഞു. ചൈന ഇന്ത്യന്‍ അതിര്‍ത്തികള്‍ കയ്യേറുന്ന വിഷയത്തില്‍ പ്രധാനമന്ത്രിക്ക് അയഞ്ഞ സമീപനമാണെന്നും അദ്ദേഹം ഭാരത മാതാവിനെ വഞ്ചിച്ചെന്നും സുബ്രമണ്യന്‍ സ്വാമി പറഞ്ഞു. എക്‌സിലൂടെയായിരുന്നു അദ്ദേഹത്തിന്റെ പ്രതികരണം.
'മോദി ചൈനയ്ക്കുമുന്നില്‍ മുട്ടിലിഴഞ്ഞ് ഭാരത മാതാവിനെ വഞ്ചിച്ചിരിക്കുകയാണ്. 2020-ന് ശേഷം ലഡാക്കിന്റെ 4065 ചതുരശ്ര കിലോമീറ്റര്‍ ഭൂമിയാണ് നഷ്ടമായത്. അതിനാല്‍ ബിജെപി മോദിയെ മാറ്റിനിര്‍ത്തി ഭൂരിപക്ഷം നേടാന്‍ ശ്രമിക്കണം. മോദി ബിജെപിയുടെ വിശ്വാസ്യതയ്ക്ക് ഒരു ബാധ്യതയാണ്'- സുബ്രമണ്യന്‍ സ്വാമി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യു
അടുത്തിടെയും മോദിക്കെതിരെ സുബ്രമണ്യന്‍ സ്വാമി വിമര്‍ശനമുന്നയിച്ചിരുന്നു. തെരഞ്ഞെടുപ്പ് പ്രഖ്യാപിച്ചതിനു ശേഷവും പ്രധാനമന്ത്രി വിദേശത്ത് പോകാനാഗ്രഹിക്കുന്നത് വില കുറഞ്ഞ പരിപാടിയാണെന്നും മോദിയെ മൂന്നാം തവണയും പ്രധാനമന്ത്രി സ്ഥാനാര്‍ത്ഥിയായി ബിജെപി ഉയര്‍ത്തിക്കാട്ടിയാല്‍ രാജ്യം ഒറ്റക്കെട്ടായി അതിനെ എതിര്‍ക്കണമെന്നുമാണ് അദ്ദേഹം പറഞ്ഞത്.
