ഡല്‍ഹി: ഇസ്രായേല്‍- ഫലസ്തീന്‍ യുദ്ധത്തെ അപലപിച്ച് കോണ്‍ഗ്രസ് നേതാവ് രാഹുല്‍ ഗാന്ധി. ഗാസയിലെ കൂട്ടക്കുരുതിയെയും ഇസ്രായേലിലെ ഫലസ്തീന്‍ ആക്രമണത്തെയും രാഹുല്‍ ഗാന്ധി അപലപിച്ചു. നിരപരാധികളായ ജനങ്ങളെ കൂട്ടത്തോടെ കൊന്നൊടുക്കുന്നതും അവര്‍ക്ക് വെളളവും ഭക്ഷണവും നിഷേധിക്കുന്നതും മനുഷ്യത്വരഹിതമാണെന്ന് അദ്ദേഹം പറഞ്ഞു. എക്‌സിലൂടെയായിരുന്നു രാഹുല്‍ ഗാന്ധിയുടെ പ്രതികരണം.
'ഗാസയില്‍ കുട്ടികളുള്‍പ്പെടെ ആയിരക്കണക്കിന് നിരപരാധികളായ സാധാരണക്കാരെ കൊന്നൊടുക്കുന്നതും ദശലക്ഷക്കണക്കിന് ആളുകള്‍ക്ക് ഭക്ഷണവും വെളളവും നിഷേധിക്കുന്നും വൈദ്യുതി വിച്ഛേദിക്കുന്നതും മനുഷ്യരാശിക്കെതിരായ കുറ്റകൃത്യങ്ങളാണ്. നിരപരാധികളായ ഇസ്രായേലികളെ ഹമാസ് കൊലപ്പെടുത്തുന്നയും ബന്ദികളാക്കുന്നതും കുറ്റകൃത്യമാണ്. അത് അപലപിക്കപ്പെടേണ്ടതുമാണ്. ഇസ്രായേലും ഫലസ്തീനും തമ്മിലുളള യുദ്ധത്തിന് അവസാനമുണ്ടാക്കണം'- രാഹുല്‍ ഗാന്ധി എക്‌സില്‍ കുറിച്ചു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
അതേസമയം, ഗാസയ്ക്കുമേലുളള ഇസ്രായേലിന്റെ വ്യോമാക്രമണം പതിമൂന്നാം ദിവസവും തുടരുകയാണ്. ഇന്നലെയും നൂറുകണക്കിന് നിരപരാധികളായ ജനങ്ങള്‍ കൊല്ലപ്പെട്ടു. റഫാ അതിര്‍ത്തി ഇന്ന് തുറക്കും. ഭക്ഷണവും മറ്റ് അവശ്യവസ്തുക്കളുമായി 20 ട്രക്കുകളാണ് ഈജിപ്റ്റ്- ഗാസ അതിര്‍ത്തി വഴി ഫലസ്തീനിലെത്തുക.
