മുൻ എംപിയും ബിജെപി നേതാവും നടിയുമായ ജയപ്രദയ്ക്ക് ആറു മാസം തടവുശിക്ഷ വിധിച്ച് ചെന്നൈയിലെ എഗ്മോർ കോടതി. 5000 രൂപ പിഴയും അടയ്ക്കണം. തിയേറ്റര് നടത്തിപ്പുമായി ബന്ധപ്പെട്ട ഒരു കേസിലാണ് ഉത്തരവ്. ജീവനക്കാരുടെ ഇഎസ്ഐ വിഹിതം അടയ്ക്കാത്തതിനാലാണ് ശിക്ഷ. ജയപ്രദയെ കൂടാതെ മറ്റു രണ്ടു പേരെയും കോടതി ശിക്ഷിച്ചു. അണ്ണാശാലയില് ജയപ്രദയുടെ ഉടമസ്ഥതയിലുള്ള തിയറ്ററിലെ ജീവനക്കാര്, സ്ഥാപനം ഇഎസ്ഐ അടയ്ക്കുന്നില്ലെന്ന് പരാതിപ്പെട്ടിരുന്നു. ഇതിനെതിരെ ഇന്ഷുറന്സ് കമ്പനിയാണ് പരാതി നല്കിയത്.
ഹിന്ദിയിലും തെലുങ്കിലും ഒരുകാലത്ത് മിന്നിത്തിളങ്ങിയ താരമായിരുന്നു ജയപ്രദ. മികച്ച നടിക്കുള്ള നന്തി അവാര്ഡും ജയപ്രദയ്ക്ക് ലഭിച്ചിട്ടുണ്ട്. മോഹൻലാല് നായകനായി എത്തിയ ഹിറ്റ് ചിത്രങ്ങളായ 'ദേവദൂതനി'ലും 'പ്രണയ'ത്തിലും പ്രധാന വേഷത്തില് ജയപ്രദയുണ്ടായിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
തെലുങ്ക് ദേശം പാര്ട്ടിയിലൂടെയാണ് നടി ജയപ്രദ രാഷ്ട്രീയത്തിലേക്ക് എത്തുന്നത്. 1994-ല് പാര്ട്ടിക്കായി തെരഞ്ഞെടുപ്പ് പ്രചാരണത്തില് ഭാഗമായിരുന്നു നടി. പിന്നീട് സമാജ്വാദ് പാര്ട്ടിയില് ചേര്ന്നു. ഉത്തര്പ്രദേശില് നിന്ന് ലോക്സഭയിലേക്കും എത്തി. ജയപ്രദ പിന്നീട് അമര് സിംഗിന്റെ രാഷ്ട്രീ ലോക് മഞ്ചില് ചേര്ന്നു. 2019-ലാണ് അവര് ബിജെപിയില് ചേര്ന്നത്.