മാധ്യമങ്ങള്‍ക്ക് എന്താണ് പ്രത്യേക അവകാശമെന്ന സിപിഎം നേതാക്കളുടെ ചോദ്യം ആര്‍എസ്എസിനുളള പിന്തുണ- ആസാദ് മലയാറ്റില്‍

മാധ്യമങ്ങൾക്ക് സർക്കാറിന്റെ കീഴിലുള്ള മറ്റു സ്ഥാപനങ്ങൾക്കു ലഭിക്കാത്ത സ്വാതന്ത്ര്യം എന്തിനെന്ന് ചോദിച്ചത് അഡോൾഫ് ഹിറ്റ്ലറാണ്. ഗീബൽസ് കലയും സിനിമയും പത്രപ്രവർത്തനവും നിയന്ത്രിക്കുന്നതു ലോകം കണ്ടു. ഇപ്പോൾ അതേ ചോദ്യം ഇവിടെയും ചിലർ ഉറക്കെ ചോദിക്കുന്നു: മാധ്യമങ്ങൾക്ക് പ്രത്യേകാവകാശം എന്തെങ്കിലും ഭരണഘടന നൽകുന്നുണ്ടോ?

ഇത് നരേന്ദ്രമോദിയോ ആർഎസ്എസോ ചോദിക്കാൻ ഇടയുള്ളതാണ്. പ്രവൃത്തിയിൽ അത് അനേകവട്ടം അവർ ചോദിച്ചുകഴിഞ്ഞു. എന്നാൽ വാ തുറന്ന് ഒട്ടും ചളിപ്പില്ലാതെ അതു ചോദിക്കുന്നത് കേരളത്തിലെ സിപിഎമ്മാണ് എന്നത് ആരെയും അത്ഭുതപ്പെടുത്തും.

ജനാധിപത്യത്തിന്റെ നാലാം തൂണാണ് മാധ്യമങ്ങൾ എന്നു പറയുന്നത് ജനങ്ങളുടെ ജിഹ്വയാണ് അത് എന്നതുകൊണ്ടാണ്. ആശയപ്രകാശന സ്വാതന്ത്ര്യം മനുഷ്യാവകാശ പ്രഖ്യാപനത്തിന്റെ ഹൃദയമാണ്. അത് ഭരണകൂടങ്ങളെ ജനാധിപത്യ മൂല്യങ്ങളിലും പ്രയോഗങ്ങളിലും ഉറപ്പിച്ചു നിർത്താനുള്ളതാണ്. ജനങ്ങൾക്കുമേൽ അടിച്ചേൽപ്പിക്കപ്പെടുന്ന ഭരണകൂട നിയന്ത്രണങ്ങളെ ചെറുക്കാനുള്ള ജനാധിപത്യത്തിലെ പ്രതിഷേധ ഇടങ്ങൾ കൂടിയാണ് മാധ്യമങ്ങൾ. 

ഇന്ത്യയിൽ മാധ്യമങ്ങൾ കൂടുതൽക്കൂടുതൽ നിയന്ത്രിക്കപ്പെടുകയോ ആക്രമിക്കപ്പെടുകയോ ചെയ്യുന്ന കാലമാണിത്. അതേ പാതയാണ് തങ്ങൾ പിന്തുടരുന്നതെന്നാണ് കേരളത്തിലെ സിപിഎം പറയുന്നത്. അവർ അതിനു ന്യായീകരണ യുക്തിയും കണ്ടെത്തുന്നു. 'മാധ്യമങ്ങൾക്ക് എന്താണ് പ്രത്യേക അവകാശം' എന്ന സിപിഎം നേതാക്കളുടെ ചോദ്യം ആർഎസ്എസ്സിനും മോദി സർക്കാറിനും ആശയപരമായ പിന്തുണകൂടിയാണ്.

ഭരണകൂട നിയന്ത്രണങ്ങൾക്കെതിരെ അനവധി പോരാട്ടങ്ങൾ നയിച്ചിട്ടുണ്ട് മാധ്യമ ലോകം. സ്വദേശാഭിമാനി മുതൽ ദേശാഭിമാനി വരെ ആ പോരാട്ടങ്ങളുടെ രക്തക്കറ പേറുന്നുണ്ട്. പുതിയ സൈബർകുമാരന്മാർക്ക് അത് ഓർമ്മ കാണില്ല. ഓർമ്മിപ്പിക്കാനുള്ള ഉത്തരവാദിത്തം അതു മറക്കാൻ കഴിയാത്ത കമ്യൂണിസ്റ്റുകാർക്കുണ്ട്. കേരളത്തിലെ സിപിഎം നേതൃത്വത്തിൽ കമ്യൂണിസ്റ്റുകാരില്ലേ എന്നു ചോദിക്കേണ്ടിവരുന്നത് ദൗർഭാഗ്യകരമാണ്.

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

Contact the author

Recent Posts

Dr. Azad 1 month ago
Views

പിണറായി വിജയന്റെ രാഹുൽ വിരുദ്ധ നിലപാട് വലിയ പ്രത്യാഘാതമുണ്ടാക്കും- ആസാദ് മലയാറ്റിൽ

More
More
K T Kunjikkannan 3 months ago
Views

പുരുഷാധിപത്യ മുതലാളിത്ത വ്യവസ്ഥയ്‌ക്കെതിരായ പോരാട്ടം കൂടിയാണ് വനിതാ ദിനം- കെ ടി കുഞ്ഞിക്കണ്ണന്‍

More
More
K T Kunjikkannan 3 months ago
Views

മേള നടത്തിയാലൊന്നും ഗാന്ധികൊലപാതകത്തിലെ പ്രതിയാണ് സവര്‍ക്കറെന്ന സത്യം മാഞ്ഞുപോകില്ല - കെ ടി കുഞ്ഞിക്കണ്ണന്‍

More
More
Sufad Subaida 4 months ago
Views

ഈ യുദ്ധത്തില്‍ നെതന്യാഹു എങ്ങനെ ജയിക്കും? - സുഫാദ് സുബൈദ

More
More
Anand K. Sahay 5 months ago
Views

2024-ലെ തെരഞ്ഞെടുപ്പ് ബിജെപിക്ക് ഈസി വാക്കോവര്‍ ആയിരിക്കില്ല - ആനന്ദ് കെ. സഹായ്

More
More
Nadeem Noushad 5 months ago
Views

പ്രിയ സഫ്ദർ, തൂ സിന്ദാ രഹേ ഹേ - നദീം നൗഷാദ്

More
More