ഡല്ഹി: നാഷണല് ഹെറാള്ഡ് കേസില് സോണിയാ ഗാന്ധിക്കെതിരായ ഇ ഡി നീക്കം തടയാന് കോണ്ഗ്രസ് നേതൃയോഗം ഇന്ന്. ജനറൽ സെക്രട്ടറിമാർ, പിസിസി അധ്യക്ഷന്മാർ, പോഷക സംഘടനാ ഭാരവാഹികള് തുടങ്ങിയവര് യോഗത്തില് പങ്കെടുക്കും. വിദേശത്തായതിനാല് രാഹുല് ഗാന്ധി യോഗത്തിനെത്തില്ല. നാഷണല് ഹെറാള്ഡ് കേസില് ഈ മാസം 21 ന് ചോദ്യം ചെയ്യലിന് ഹാജരാകണമെന്നാണ് സോണിയാ ഗാന്ധിയോട് ഇ ഡി ആവശ്യപ്പെട്ടിരിക്കുന്നത്. കേന്ദ്ര അന്വേഷണ ഏജന്സികളെവെച്ച് പാര്ട്ടി അധ്യക്ഷയെ തന്നെ ബിജെപി വേട്ടയാടുന്നതിനെ പ്രതിരോധിക്കാനാണ് കോണ്ഗ്രസ് ശ്രമിക്കുന്നത്. ഈ സാഹചര്യത്തിലാണ് കോണ്ഗ്രസ് ഇന്ന് നേതൃതല യോഗം വിളിച്ച് ചേര്ത്തിരിക്കുന്നത്. പ്രതിരോധമാര്ഗങ്ങളായിരിക്കും ഇന്നത്തെ യോഗത്തില് ചര്ച്ച ചെയ്യുക.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, നാഷണല് ഹെറാള്ഡ് കേസില് രാഹുല് ഗാന്ധിയെയും ഇ ഡി ചോദ്യം ചെയ്തിരുന്നു. തുടര്ച്ചയായി അഞ്ച് ദിവസമാണ് നാഷണല് ഹെറാള്ഡ് കേസില് രാഹുല് ഗാന്ധിയെ ചോദ്യം ചെയ്തത്. തുടര്ച്ചയായി ചോദ്യം ചെയ്തിട്ടും കേസുമായി ബന്ധപ്പെട്ട രേഖകളോ തെളിവുകളോ കണ്ടെത്താന് ഇ ഡിക്ക് സാധിച്ചിരുന്നില്ല. നാഷണൽ ഹെറാൾഡ് പത്രത്തിന്റെ ഉടമകളായ അസോസിയേറ്റഡ് ജേണൽസിനെ യങ് ഇന്ത്യൻ കമ്പനി ഏറ്റെടുത്തതിൽ അഴിമതിയുണ്ടെന്ന ആരോപണവുമായി ബന്ധപ്പെട്ടാണ് ഇ ഡി രാഹുല് ഗാന്ധിക്കും സോണിയ ഗാന്ധിക്കും നോട്ടീസ് അയച്ചത്. രാഹുല്ഗാന്ധിയും സോണിയ ഗാന്ധിയും ചേര്ന്ന് അസോസിയേറ്റഡ് ജേണൽസിന്റെ സ്വത്ത് തട്ടിയെടുത്തുവെന്ന് ആരോപിച്ച് ബി ജെ പി നേതാവ് സുബ്രഹ്മണ്യൻ സ്വാമിയാണ് പരാതി നൽകിയത്.