ഡല്‍ഹി: രാജ്യത്തെ പത്തു സ്ഥലങ്ങള്‍ കേന്ദ്ര സര്‍ക്കാര്‍ ഹോട്ട്സ്പോട്ട് ആയി പ്രഖ്യാപിച്ചു. കൊറോണ ഏറ്റവുമധികം ബാധിച്ച ജില്ലകളെയും പട്ടണങ്ങളെയുമാണ് ഹോട്ട്സ്പോട്ട് ആയി പ്രഖ്യാപിച്ചത്. നിസാമുദീൻ, ദിൽഷാദ് ഗാർഡൻ, നോയ്ഡ, മീററ്റ്, ഭീൽവാര, അഹമ്മദാബാദ്, മുംബൈ , പൂനെ, കാസർഗോഡ്, പത്തനംതിട്ട എന്നീ സ്ഥലങ്ങളാണ് ഇതില്‍ പെടുക.
ലോക്ക് ഡൌണ്‍ പ്രഖ്യാപിച്ച സാഹചര്യത്തില്‍ ഈ സ്ഥലങ്ങളില്‍ കൂടുതല്‍ ജാഗ്രത പാലിക്കാന്‍ നിർദ്ദേശമുണ്ടാകും. ഇവിടങ്ങളിലെ ജനങ്ങളുടെ യാത്രകള്‍, അവരുമായി ബന്ധപ്പെട്ടയാളുകള്‍, ശാരീരിക പ്രയാസങ്ങള്‍ എന്നിവ സസൂക്ഷ്മം നിരീക്ഷിക്കും. ഈ പത്തു സ്ഥലങ്ങളില്‍ ഇതുവരെ നടന്ന പൊതുപരിപാടികള്‍, അവിടെ പങ്കെടുത്ത ആളുകളുടെ വിശദാംശങ്ങള്‍ എന്നിവയെല്ലാം പരിശോധിക്കും.
