നടിയും കേരള നാടക സംഗീത അക്കാദമി ചെയര് പേഴ്സണുമായ കെ പി എ സി ലളിതയെ സംരക്ഷിക്കേണ്ട പൂര്ണ ഉത്തരവാദിത്വം കേരളത്തിനുണ്ടെന്ന് കെ പി സി സി വര്ക്കിംഗ് പ്രസിഡന്റും എം എല് എയുമായ പി ടി തോമസ്. സാമൂഹിക മാധ്യമങ്ങളില് ഇവരെ പോലെയുള്ളവരെ ആക്ഷേപിക്കുന്നവര് പിന്നീട് ദുഖിക്കേണ്ടിവരുമെന്നും പി ടി തോമസ് പറഞ്ഞു. കെ പി എ സി ലളിതയുടെ ചികില്സാ ചെലവ് സര്ക്കാര് ഏറ്റെടുത്തത്തോടെ സാമൂഹിക മാധ്യമങ്ങളില് വിമര്ശനം ഉയര്ന്നിരുന്നു. ഇതിന് മറുപടിയായാണ് എം എല് എയുടെ ഫേസ്ബുക്ക് കുറിപ്പ്.
ഫേസ്ബുക്ക് പോസ്റ്റിന്റെ പൂര്ണ രൂപം
കെ പി എ സി ലളിതയെ സംരക്ഷിക്കേണ്ട ഉത്തരവാദിത്വം കേരളത്തിനുണ്ട്. നടന വൈഭവത്തിന്റെ ഇതിഹാസ തുല്യമായ സമർപ്പണം കലാലോകം വേണ്ടുവോളം ആസ്വദിച്ചിട്ടുള്ളതാണ്. കെ പി എ സി ലളിതക്ക് എന്തെങ്കിലും സഹായം പ്രഖ്യാപിക്കുന്നതിനെ പരിഹസിക്കുവാൻ മുന്നോട്ട് വരുന്നവർ ഒരു വട്ടം കൂടി ആലോചിക്കുന്നത് നല്ലതാണ്. രാഷ്ട്രീയ കാര്യങ്ങളിൽ അവർക്ക് നിലപാടുകൾ ഉണ്ടാവാം, അതിനെ ബഹുമാനിക്കുകയാണ് വേണ്ടത്. നടന നാടക സിനിമാ ലോകത്തിന് അവർ നൽകിയ വിലമതിക്കാനാകാത്ത സംഭാവനയെ മാനിക്കാൻ മലയാളികൾ തയ്യാറാവണം. സാമൂഹ്യ മാധ്യമങ്ങളിൽ ഒരു പോസ്റ്റിട്ട് കെ പി എ സി ലളിതയെ പോലുള്ളവരെ ആക്ഷേപിക്കുന്നവർ പിന്നീട് ദുഖിക്കേണ്ടി വരും.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക