സൗദി അറേബ്യയിൽ കൊവിഡ്-19 രോഗം മൂലം ഒരാൾ കൂടി മരിച്ചു. ഇതോടെ രോഗം ബാധിച്ച മരിച്ചവരുടെ എണ്ണം മൂന്നായി. രാജ്യത്ത് കൊറോണ വൈറസ് ബാധിച്ചവരുടെ എണ്ണം 1000 കവിഞ്ഞു. ഇന്ന് 112 കൊവിഡ്-19 കേസുകളാണ് സ്ഥിരീകരിച്ചത്. ഇതോടെ രാജ്യത്തെ ആകെ കോവിഡ് 19 രോഗികളുടെ എണ്ണം 1031 ആയി. ഓരോ പ്രവിശ്യയിലേയും രോഗികളുടെ എണ്ണം ഇപ്രകാരമാണ് .മക്ക 26 റിയാദ് 34, , താഇഫ് 18, ജിദ്ദ 13, ദമ്മാം 6, ഖത്തീഫ് 5, മദീന 3, ഖോബാര് 2, ഹൊഫൂഫ് 2, ദഹ്റാന് 1, ബുറൈദ 1. 33 പേർക്ക് ചികിത്സയിലൂടെ രോഗം മാറിയതായി ആരോഗ്യമന്ത്രാലയം അറിയിച്ചു.
രോഗപ്രതിരോധ പ്രവർത്തനങ്ങളുടെ ഭാഗമായി കുവൈത്തിൽ ടാക്സികൾ നിരോധിച്ചു. കുവൈത്ത് മന്ത്രിസഭയാണ ഇത് സംബന്ധിച്ച് തീരുമാനം എടുത്തത്. . കോവിഡ് വ്യാപനം തടയുന്നതിന്റെ ഭാഗമായി ടാക്സികൾ നിരത്തിലിറങ്ങരുതെന്നതാണ് കുവൈത്ത് തീരുമാനിച്ചത്. സർക്കാർ വകുപ്പുകളുടെ വാർത്താസമ്മേളനങ്ങൾ ഇലട്രോണിക് പ്ലാറ്റ്ഫോമിലൂടെ ആക്കാനും മന്ത്രിസഭ തീരുമാനിച്ചു. കൊറോണ വൈറസ് പടരുന്ന സാഹചര്യത്തിൽ വാർത്താസമ്മേളനങ്ങളിൽ ആളുകൾ നേരിട്ട് പങ്കെടുക്കുന്ന സാഹചര്യം ഒഴിവാക്കാനാണ് തീരുമാനം.