ഡല്ഹി: രാജ്യത്ത് കൊവിഡ് വ്യാപനം രൂക്ഷമായ 22 ജില്ലകളില് 7 എണ്ണം കേരളത്തിലാണെന്നും സംസ്ഥാനത്ത് മറ്റൊരു കൊവിഡ് തരംഗം ഉണ്ടാകുന്നതിനുള്ള സൂചനയായി ഇതിനെ കാണാമെന്നും കേന്ദ്ര ആരോഗ്യമന്ത്രാലയം. പത്തനംതിട്ട, കോട്ടയം, ആലപ്പുഴ,എറണാകുളം, തൃശൂര്, മലപ്പുറം, വയനാട് ജില്ലകാളാണ് കൊവിഡ് വ്യാപനം രൂക്ഷമായ രാജ്യത്തെ 22 ജില്ലകളില് പെട്ടിരിക്കുന്നത് എന്ന് ആരോഗ്യമന്ത്രാലയം പറയുന്നു. ബാക്കി ജില്ലകള് വടക്ക് കിഴക്കന് സംസ്ഥാനങ്ങളിലാണ് എന്ന് ആരോഗ്യമന്ത്രാലയം പറയുന്നു.
കേരളത്തിലെ മേല്പ്പറഞ്ഞ ജില്ലകളില് രോഗവ്യാപന തോത് വളരെയധികം കൂടിയിട്ടുണ്ട്. കഴിഞ്ഞ ഒറ്റ മാസംകൊണ്ട് കോട്ടയത്ത് 63 ശതമാനത്തിന്റെ വര്ദ്ധനയാണ് കണക്കാക്കുന്നത്. രണ്ടാം സ്ഥാനത്തുള്ള മലപ്പുറം ജില്ലയില് 59 ശതമാനത്തിന്റെ വര്ദ്ധനയും തൊട്ടുപിറകിലുള്ള തൃശൂരിലും എറണാകുളത്തും യഥാക്രമം 47,46 ശതമാനം വീതവുമാണ് വ്യാപന വര്ദ്ധന. സംസ്ഥാനത്തെ കൊവിഡ് മരണനിരക്ക് ആശങ്കാ ജനകമല്ല. എന്നാല് വ്യാപനത്തോതിലെ വര്ദ്ധന ആശങ്കയോടെയാണ് തങ്ങള് കാണുന്നത് എന്ന് കേന്ദ്ര ആരോഗ്യമന്ത്രാലയം വക്താക്കള് പറയുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ദേശീയ ശരാശരി വെച്ചുനോക്കുമ്പോള് കേരളത്തില് ഒരാളില് നിന്ന് വൈറസ് 1.2 പേരിലേക്ക് പകരുന്നു എന്നാണ് കണക്കപ്പെടുന്നത്. ഇപ്പോള് രോഗവ്യാപനത്തില് വന് വര്ദ്ധന രേഖപ്പെടുത്തിയിട്ടുള്ള കേരളത്തിലെ ജില്ലകളുടെ തൊട്ടടുത്ത ജില്ലകളില് രോഗവ്യാപാന തോത് കൂടാനുള്ള സാധ്യതയുണ്ട്. അതുകൊണ്ടുതന്നെ കൊവിഡ് മാനദണ്ഡങ്ങള് പാലിക്കുന്നതില് കടുത്ത നിഷ്കര്ഷ പാലിക്കണമെന്നും ആരോഗ്യ മന്ത്രാലയം വ്യക്തമാക്കി.