ഡല്ഹി: മുന് ഇന്ത്യന് ക്രിക്കറ്റ് താരം യശ്പാല് ശര്മ്മ അന്തരിച്ചു. ഹൃദയാഘാതത്തെത്തുടര്ന്നാണ് അന്ത്യം. 66 വയസായിരുന്നു. 1983-ലെ ലോകകപ്പ് ജേതാവായിരുന്നു യശ്പാല് ശര്മ്മ. 1954-ന് ലുധിയാനയിലാണ് യശ്പാല് ശര്മ്മ ജനിച്ചത്. സ്കൂള് കാലഘട്ടത്തില് തന്നെ മികച്ച പ്രകടനം കാഴ്ച്ചവയ്ക്കുമായിരുന്ന യശ്പാല് 1974-ല് പഞ്ചാബ് സംസ്ഥാന ക്രിക്കറ്റ് ടീമില് ഇടംനേടി. ഇറാനി ട്രോഫിയിലെ മികച്ച പ്രകടനത്തിന്റെ അടിസ്ഥാനത്തിലാണ് ഇന്ത്യന് ടീമിലെത്തുന്നത്.
പാക്കിസ്ഥാനെതിരെയായിരുന്നു അരങ്ങേറ്റം. 1983-ല് വെസ്റ്റിന്ഡീസിനെതിരായ ആദ്യ ഗ്രൂപ്പ് മത്സരത്തില് ടോപ്പ് സ്കോര് യശ്പാല് ശര്മ്മയ്ക്കായിരുന്നു. ഇന്ത്യയായിരുന്നു അന്നത്തെ മത്സരത്തില് വിജയിച്ചത്. അന്ന് മാന് ഓഫ് ദ മാച്ചായി തെരഞ്ഞെടുത്തത് യശ്പാല് ശര്മ്മയെയായിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പിന്നീട് നടന്ന പാക് പരമ്പയരയില് മോശം പ്രകടനത്തെത്തുടര്ന്ന് ടീമില് നിന്ന് പുറത്താവുകയായിരുന്നു. 37-ാം വയസില് അദ്ദേഹം വിരമിച്ചു. 1979-ല് ഇന്ത്യയ്ക്കുവേണ്ടി കളിച്ചുതുടങ്ങിയ യശ്പാല് 37 ടെസ്റ്റുകളിലായി 1606 റണ്സും ഒന്പത് അര്ധ സെഞ്ചുറികളും രണ്ട് സെഞ്ചുറികളും നേടിയിട്ടുണ്ട്. ക്രിക്കറ്റില് നിന്ന് വിരമിച്ചതിനുശേഷം ബിസിസിഐയില് പ്രവര്ത്തിച്ചിട്ടുണ്ട്.