ഇതുവരെ 56 മൃതദേഹങ്ങളാണ് ലഭിച്ചത്. പെട്ടിമുടിയിലെ പുഴയിലും ഗ്രാവല് ബങ്കിലുമാണ് ഇപ്പോള് തിരച്ചില് നടക്കുന്നത്. കൂടുതല് മണ്ണ് ഒഴുകിയെത്തി അടിഞ്ഞുകൂടിയ പ്രദേശത്ത് മണ്ണുമാന്തി യന്ത്രങ്ങള് എത്തിച്ചും തിരച്ചില് നടത്തുന്നുണ്ട്.
ദുരന്തമുണ്ടായ പെട്ടിമുടിയില് നിന്നും ഏതാനും കിലോമീറ്റര് മാത്രം ദൂരത്തുള്ള ഗ്രാവല് ബങ്കില് വീടുകളുടെയും വാഹനങ്ങളുടെയും അവശിഷ്ടങ്ങളും വലിയ അളവില് മണ്ണും മണലും വന്നടിഞ്ഞിട്ടുണ്ട്. ഇവിടേക്ക് കൂടുതല് മണ്ണ് മാന്തിയന്ത്രങ്ങള് എത്തിച്ച് മണല് നീക്കിയും അവശിഷ്ടങ്ങള് നീക്കിയുമുള്ള തിരച്ചില് തുടരുകയാണ്.
ദുരന്തം നടന്നു അഞ്ചാം ദിവസവും മൃതദേഹങ്ങള് കണ്ടെത്താന് വിശ്രമരഹിതമായ പ്രവര്ത്തനങ്ങലാണ് നടന്നു കൊണ്ടിരിക്കുന്നത്. മുന്നാര് സ്പെഷ്യല് തഹസില്ദാര് ബിനു ജോസഫ്, മൂന്നാര് പഞ്ചായത്ത് സെക്രട്ടറി അജിത് എന്നിവര് റവന്യു പഞ്ചായത്ത് തല വിഭാഗങ്ങളെ എകോപിപ്പിച്ച് രംഗത്തുണ്ട്.
പരിസ്ഥിതിയ്ക്ക് കോട്ടംതട്ടാത്ത രീതിയിലായിരിക്കണം വികസന പ്രവര്ത്തനങ്ങള് ആസൂത്രണം ചെയ്യേണ്ടതെന്നും അടിക്കടിയുണ്ടാകുന്ന പ്രകൃതിക്ഷോഭങ്ങളില് നിന്ന് മനുഷ്യന് പാഠങ്ങള് ഉള്ക്കൊള്ളണമെന്നും മന്ത്രി അഭിപ്രായപ്പെട്ടു.
പത്തോളം മണ്ണുമാന്തി യന്ത്രങ്ങള് ഉപയോഗിച്ച് വലിയ പാറകല്ലുകള് നീക്കം ചെയ്ത് 10-15 അടി താഴ്ചയില് മണ്ണ് നീക്കം ചെയ്താണ് തിരച്ചില് നടത്തുന്നത്. ദേശീയ ദുരന്ത നിവാരണ സേന, അഗ്നിശമന – രക്ഷാ സേന, പോലീസ്, റവന്യൂ, വനം വകുപ്പുകള്, സംയുക്തമായാണ് രക്ഷാപ്രവര്ത്തനങ്ങള്ക്ക് നേതൃത്വം നല്കുന്നത്
പ്രദേശത്ത് ഡ്രോണ് ഉപയോഗിച്ചുള്ള തിരച്ചില് തുടരുകയാണ്. പൊലീസ് ഡോഗ് സ്ക്വാഡിനെ ഉപയോഗിച്ചും പരിശോധന നടത്തുന്നുണ്ട്. തൃശ്ശൂരിൽ നിന്ന് ബൽജിയൻ മലിനോയിസ്, ലാബ്രഡോർ എന്നീ ഇനത്തിൽ പെട്ട നായ്ക്കളെ ഇതിനായി ഇടുക്കിയിലേക്ക് അയച്ചിരുന്നു.