കൊവിഡ് കാലത്ത് കേന്ദ്രസർക്കാറിന്റെ സൗജന്യ റേഷൻ, താമര ചിഹ്നം പതിച്ച സഞ്ചികളിൽ വിതരണം ചെയ്യാൻ ബിജെപി നിർദ്ദേശം. പ്രധാൻ മന്ത്രി ഗരിബ് കല്യാൺ അന്ന യോജന (പിഎംജികെ) പദ്ധതിയിൽ വിതരണം ചെയ്യുന്ന റേഷൻ സാധനങ്ങളുമായി ബന്ധപ്പെട്ടാണ് ബിജെപി നിർദ്ദേശനം നൽകിയിരിക്കുന്നത്.
പിഎംജികെ വഴി ഓരോ കുടുംബത്തിനും അഞ്ച് കിലോഗ്രാം ഗോതമ്പും അരിയും ഒരു കിലോഗ്രാം പയറും സൗജന്യമായാണ് നൽകുന്നത്. മാർച്ച് മുതലാണ് സൗജന്യ ഭക്ഷ്യധാന്യം വിതരണം ചെയ്യുന്നത്. ദ്രാരിദ്യ രേഖക്ക് താഴെയുള്ള 80 കോടിയിലധികം റേഷൻ കാർഡ് ഉടമകൾക്കാണ് സൗജന്യമായി ഭക്ഷ്യധാന്യം ലഭിക്കുക. കൊവിഡ് പ്രതിസന്ധി തുടരുന്ന സാഹചര്യത്തിൽ സൗജന്യ ഭക്ഷ്യധാന്യ വിതരണം 5 മാസത്തേക്ക് കൂടി നീട്ടാൻ കേന്ദ്രമന്ത്രിസഭാ യോഗം തീരുമാനിച്ചു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ബിജെപി ഭരിക്കുന്ന എല്ലാ സംസ്ഥാനങ്ങളിലും പ്രധാനമന്ത്രി മോദിയുടെയും മുഖ്യമന്ത്രിയുടെയും ബാനറുകൾ എല്ലാ റേഷൻകടകളിൽ സ്ഥാപിക്കാനും ആവശ്യപ്പെട്ടിട്ടുണ്ട്. റേഷൻ വിതരണം ചെയ്യുന്നതിനായി താമര ചിഹ്നമുള്ള പ്രത്യേക ബാഗുകൾ രൂപകൽപ്പന ചെയ്യും.
ബിജെപി ഇതര സർക്കാറുകൾ ഭരിക്കുന്ന സംസ്ഥാനങ്ങളിലെ പാർട്ടി ഘടകങ്ങൾക്കും ഈ നിർദ്ദേശം നൽകിയിട്ടുണ്ട്. പ്രധാൻ മന്ത്രി ഗരിബ് കല്യാൺ അന്ന യോജന പദ്ധതിയെ കുറിച്ച് സമൂഹ മാധ്യമങ്ങളിൽ പരസ്യം ചെയ്യാനും ആവശ്യപ്പെട്ടിട്ടുണ്ട്.
