തിരുവനന്തപുരം: സെക്കന്റ്ഷോ നടത്താന് അനുമതി നല്കിയില്ലെങ്കില് തിയേറ്ററുകള് അടച്ചിടേണ്ടിവരുമെന്ന് ഫിലിം ചേമ്പര്. സര്ക്കാരിനോട് പല തവണ ആവശ്യപ്പെട്ടിട്ടും അനുകൂല നടപടികളുണ്ടാവാത്ത സാഹചര്യത്തിലാണ് തിയറ്ററുകള് അടച്ചിടുക എന്ന കടുത്ത തീരുമാനത്തിലേക്ക് ഫിലിം ചേമ്പര് എത്തിയത്. വിഷയത്തില് തീരുമാനമെടുക്കാന് ഭാരവാഹികളുടെ അടിയന്തര യോഗം ഇന്ന് കൊച്ചിയില് നടക്കും.
കൊവിഡ് മഹാമാരി മൂലം ഏറെ പ്രതിസന്ധികള് നേരിട്ട മേഖലയാണ് സിനിമ. പ്രശ്നങ്ങളെല്ലാം സര്ക്കാരിനെ അറിയിച്ചിരുന്നു, തിയറ്ററുകളുടെ വരുമാനത്തില് ഏറിയ പങ്കും സെക്കന്റ്ഷോകളിലൂടെയാണ് ലഭിക്കുന്നത് അതിനാല് സെക്കന്റ്ഷോകള് അനുവദിക്കണമെന്നാവശ്യപ്പെട്ട് സര്ക്കാരിന് കത്തും അയച്ചിരുന്നു. സെക്കന്റ്ഷോകളില്ലാത്ത സാഹചര്യത്തില് രണ്ടാഴ്ച്ചയായി പുതിയ സിനിമകളൊന്നും റിലീസ് ചെയ്തിട്ടില്ല. വിഷയത്തില് ഇതുവരെ സര്ക്കാര് അനുകൂല നടപടികളൊന്നും സ്വീകരിച്ചിട്ടില്ല.
കൊച്ചിയില് ഇന്ന് ചേരുന്ന യോഗത്തില് നിര്മാതാക്കള്, വിതരണക്കാര്, തിയറ്റര് ഉടമകള് എന്നിവരുടെ പ്രതിനിധികളാണ് പങ്കെടുക്കുക. തിയറ്ററുകള് അനിശ്ചിതകാലത്തേക്ക് അടച്ചിടുന്നതടക്കമുളള കടുത്ത തീരുമാനങ്ങള് യോഗത്തില് ഉണ്ടായേക്കും.