അരാജകവാദിയായ
വളർത്തുമൃഗമാണ് വിശപ്പ്
അതിന്റെ നേരങ്ങളിൽ
അന്നവും,
ജലവും, നിർബന്ധമാണ്
ആരുടെയും സമ്മതം ചോദിക്കാതെ തന്നെ
അത്
ഉടൽ വീടുകളിൽ താമസിക്കും
കൊമ്പ്,
കുളമ്പ്
തൊലി
എല്ലാം അതിന് ആയുധങ്ങളാണ്
ചിലപ്പോൾ
കുത്തി മറച്ചിടും
മറ്റ് ചിലപ്പോൾ ചവിട്ടിമെതിക്കും
'മിഡിൽ ക്ലാസ്സിൽ '
അത് അതിന്റെ ഇഷ്ടത്തിന് മേയും
'ലോ ക്ലാസ്സി'ലാണ്
അത്
പലപ്പോഴും തോൽക്കുക,
കൊമ്പുകുത്തി അടിയറവ് പറയുക
അവർ
വിശപ്പെന്ന മൃഗത്തെ
വാശിയോടെ പട്ടിണിക്കിട്ട്
എല്ലും, തോലുമാക്കി
മഴ കൊള്ളിച്ച്
വെയിലത്തുണക്കി
തോൽപ്പിച്ച്, തോൽപ്പിച്ച്
മരിച്ചു പോവുന്ന 'ലോ ക്ലാസ്സുക്കാർ'