ഡല്ഹി: കാര്ഷികനിയമത്തില് പ്രതിഷേധിക്കുന്ന കര്ഷകര്ക്കെതിരായ കേന്ദ്രസര്ക്കാരിന്റെ നടപടികളെ അപലപിച്ച് കോണ്ഗ്രസ് നേതാവ് കെസി വേണുഗോപാല്. എഴുപത്തിരണ്ടു ദിവസമായി ഡല്ഹിയിലെ തെരുവുകളില് കര്ഷകര് കഷ്ടപ്പെടുകയാണ്. ഒരു വശത്ത് സര്ക്കാര് കര്ഷകരുമായി ചര്ച്ചയ്ക്ക് തയാറാണെന്ന് പറയുന്നു, മറുവശത്ത് കര്ഷകര്ക്കുളള ജലവിതരണം നിര്ത്തിവയ്ക്കുകയും വൈദ്യുതി, ഇന്റര്നെറ്റ് സേവനങ്ങള് വിച്ഛേദിക്കുകയും ചെയ്യുന്നു. കേന്ദ്രസര്ക്കാര് കര്ഷകരെ ഉപദ്രവിക്കുകയാണ്. ഒരു ജനാധിപത്യ രാജ്യത്ത് എങ്ങനെയാണ് ഇത്തരത്തില് പ്രവര്ത്തിക്കാന് സാധിക്കുന്നതെന്ന് കെസി വേണുഗോപാല് ചോദിച്ചു.
കര്ഷകരുടെ സമരത്തിന് കോണ്ഗ്രസിന്റെ പൂര്ണമായ പിന്തുണയുണ്ടെന്നും നിയമങ്ങള് പിന്വലിച്ച് കര്ഷകരുടെ ന്യായമായ എല്ലാ ആവശ്യങ്ങളും അംഗീകരിക്കണമെന്ന് കേന്ദ്രത്തോട് ആവശ്യപ്പെട്ടിട്ടുണ്ടെന്നും അദ്ദേഹം പറഞ്ഞു. പ്രതിഷേധിക്കുന്ന ദശലക്ഷക്കണക്കിന് കര്ഷകരെ തളര്ത്താനും അപകീര്ത്തിപ്പെടുത്താനും എല്ലാ തരത്തിലും മോദി സര്ക്കാര് ശ്രമിക്കുന്നുണ്ടെന്നും അദ്ദേഹം ആരോപിച്ചു.