ഡല്ഹി: കേന്ദ്ര ബജറ്റില് നികുതിയിനത്തിലും അതിന്റെ സ്ലാബുക്ളിലും യാതൊരു മാറ്റവും പ്രഖ്യാപിച്ചിട്ടില്ല. പകരം പ്രവാസികള്ക്കും പ്രായം 75 തികഞ്ഞവര്ക്കും സന്തോഷത്തിനു വകയുണ്ട്. സ്വാതന്ത്ര്യത്തിന്റെ 75-ാം വര്ഷികത്തോടനുബന്ധിച്ച് 75 വയസ്സ് തികഞ്ഞവരെ നികുതി റിട്ടേണ് സമര്പ്പിക്കുന്നതില് നിന്നും ഒഴിവാക്കി. എന്നാല് ഈ ആനുകൂല്യം പെന്ഷന്കാര്ക്കും പലിശ വരുമാനം മാത്രമുള്ളവര്ക്കുമായി നിജപ്പെടുത്തിയിട്ടുണ്ട്. ആദായ നികുതി സംബന്ധമായ പ്രശ്നങ്ങള് പരിഹരിക്കാന് സമിതി രൂപീകരിക്കുമെന്നും ബജറ്റ് പ്രഖ്യാപനത്തിലുണ്ട്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
പ്രവാസികള്ക്കുള്ള ഇരട്ട നികുതി ഒഴിവാക്കുമെന്ന് ബജറ്റ് പ്രസംഗത്തില് ധനമന്ത്രി പ്രഖ്യാപിച്ചു. ഇതനുസരിച്ച് പുതുക്കിയ കസ്റ്റംസ് നികുതി സംബന്ധിച്ച വിവരങ്ങള് അടുത്ത ഒക്ടോബര് മാസത്തില് നിലവില് വരും. നികുതി വെട്ടിപ്പ് തടയാന് പരിശോധന കര്ശനമാക്കും. അര കോടിയുടെ വെട്ടിപ്പ് നടത്തി എന്ന് തെളിഞ്ഞാല് 10 വരെയുള്ള ആദായനികുതി പരിശോധന നടത്താന് ഉദ്യോഗസ്ഥര്ക്ക് അധികാരം നല്കുമെന്നും ബജറ്റ് പ്രഖ്യാപനത്തില് പറയുന്നുണ്ട്. നിലവില് 6 വര്ഷമാണ് നികുതി പുനപരിശോധിക്കാനുള്ള കാലയളവ്. അത് മൂന്നുവര്ഷമായി ചുരുക്കുമെന്നും ധനമന്ത്രി നിര്മ്മല സീതാരാമന് തന്റെ ബജറ്റ് പ്രസംഗത്തില് പറഞ്ഞു.