ഡല്‍ഹി: സമാധാനപരമായി ട്രാക്ടര്‍ റാലി നടത്താന്‍ തങ്ങള്‍ക്ക് ഭരണഘടനാപരമായ അവകാശമുണ്ടെന്ന് കര്‍ഷകര്‍. ജനുവരി 26 റിപ്പബ്ലിക് ദിനത്തില്‍ നടത്തുന്ന ട്രാക്ടര്‍ റാലിയില്‍ ആയിരക്കണക്കിന് കര്‍ഷകര്‍ പങ്കെടുക്കുമെന്നും കര്‍ഷകസംഘടനകള്‍ അറിയിച്ചു. തലസ്ഥാനത്തേക്ക് പ്രതിഷേധക്കാര്‍ക്ക് പ്രവേശനം അനുവദിക്കുന്ന കാര്യത്തില്‍ ഡല്‍ഹി പോലീസിനാണ് അധികാരം എന്ന് സുപ്രീംകോടതി വ്യക്തമാക്കിയിരുന്നു.
റിപ്പബ്ലിക് ദിനത്തില്‍ ക്രമസമാധാനം സംബന്ധിച്ച് പ്രശ്‌നങ്ങളുണ്ടെങ്കില്‍ ഡല്‍ഹി പോലീസിന് കര്‍ഷകസംഘടന നേതാക്കളുമായി ചര്‍ച്ച ചെയ്യാം. ബദല്‍ മാര്‍ഗങ്ങളെക്കുറിച്ച സമരസമിതി തീരുമാനമെടുക്കുമെന്നും കര്‍ഷകര്‍ പറഞ്ഞു. സര്‍ക്കാരിന്റെ പരിപാടികള്‍ നടക്കുന്ന മറ്റു സ്ഥലങ്ങളിലേക്കല്ല കര്‍ഷകരുടെ എല്ലാ ട്രാക്ടറുകളും ദേശീയ പതാകയും കര്‍ഷകസംഘടനകളുടെ പതാകയും ഉയര്‍ത്തി റിപ്പബ്ലിക് ദിന റാലി നടക്കുന്ന രാജ്പത്തിലേക്ക് മാത്രമായിരിക്കും പോവുക.
ഡല്‍ഹി അതിര്‍ത്തിയില്‍ തന്നെ ഇരിക്കാനല്ല കര്‍ഷകരുടെ തീരുമാനം, ഡല്‍ഹിയില്‍ പ്രവേശിക്കുന്നതില്‍ നിന്ന് പോലീസ് തടഞ്ഞിരിക്കുകയാണ്. ക്രമസമാധാനലംഘനം നടത്താതെ സമാധാനപരമായ റാലിയാണ് ഞങ്ങള്‍ നടത്തുക, അതിനായി ഇന്ത്യന്‍ പൗരന്റെ ഭരണഘടനാപരമായ അവകാശങ്ങള്‍ ഉപയോഗിക്കുമെന്നും കര്‍ഷകര്‍ വ്യക്തമാക്കി.
