ജാതിയുടെ അടിസ്ഥാനത്തിലുള്ള സ്ഥലങ്ങളുടെ പെരുമാറ്റാനൊരുങ്ങി മഹാരാഷ്ട്ര. അത്തരം സ്ഥലങ്ങൾക്ക് ചരിത്രനേതാക്കളുടെ പേര് നൽകാനാണ് മഹാവികാസ് അഘാടി സര്ക്കാറിന്റെ തീരുമാനം. കഴിഞ്ഞ ദിവസമാണ് സർക്കാർ ഈ പദ്ധതിക്ക് അനുമതി നൽകിയത്.
ജാതിയെ അടിസ്ഥാനമാക്കിയുള്ള പേരുകള് പുരോഗമന ചിന്താഗതിയുള്ള ഒരു സംസ്ഥാനത്തിന് ഉചിതമല്ലെന്നും സമൂഹത്തിന്റെ ഐക്യത്തിനും നന്മക്കും ഈ തീരുമാനം സഹായിക്കുമെന്നും സാമൂഹ്യ നീതി വകുപ്പ് മന്ത്രി ധനന്ജയ് മുണ്ടേ പറഞ്ഞു. പ്രാദേശിക നഗര വികസന വകുപ്പുകളോട് ഇത്തരം പേരുകളുള്ള സ്ഥലങ്ങളുടെ പട്ടിക സമര്പ്പിക്കാൻ മഹാരാഷ്ട്ര സര്ക്കാര് നിർദേശിച്ചിട്ടുണ്ട്. ഇത് സംബന്ധിച്ച പ്രമേയം ഉടന് പുറത്തിറക്കുമെന്നും സര്ക്കാര് വ്യക്തമാക്കി. മഹാര്വാഡ, മാംഗ്വാഡ, ബ്രാഹ്മണ്വാഡ എന്നീ സ്ഥലങ്ങളുടെ പേരുകളെല്ലാം തിരുത്തും.
ജാതി അടിസ്ഥാനമാക്കിയ സ്ഥലപ്പേരുകളില് എന്സിപി നേതാവ് ശരദ് പവാര് ശക്തമായ വിയോജിപ്പ് നേരത്തെ അറിയിച്ചിരുന്നു. സാമന്തനഗര്, ഭീം നഗര്, ജ്യോതിനഗര് പോലെയുള്ള പേരുകളാണ് സ്ഥലങ്ങൾക്ക് നൽകുക.