കോഴിക്കോട് ജില്ലയിലെ കല്ലാമല ബോക്ക് പഞ്ചായത്ത് വാർഡിൽ കോൺഗ്രസ് സ്ഥാനാർത്ഥി മത്സരത്തിൽ നിന്ന് പിന്മാറും. ആർഎംപിയുമായുള്ള തെരഞ്ഞെടുപ്പ് ധാരണക്ക് വിരുദ്ധമായി കോൺഗ്രസ് സ്ഥാനാർത്ഥി നാമനിർദ്ദേശ പത്രിക സമർപ്പിച്ചതിൽ കെ മുരളീധരൻ അടക്കമുള്ളവർ പ്രതിഷേധം അറിയിച്ചിരുന്നു. തുടർന്ന നടത്തിയ ചർച്ചയിലാണ് കോൺഗ്രസ് സ്ഥാനാർത്ഥി പിന്മാറാൻ തീരുമാനിച്ചത്. സ്ഥാനാർത്ഥി പിന്മാറാത്തപക്ഷം വടകരയിൽ തെരഞ്ഞെടുപ്പ് പ്രചരണത്തിന് ഇറങ്ങില്ലെന്ന് കെ മുരളീധൻ അറിയിച്ചിരുന്നു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
വടകര മണ്ഡലത്തിലെ കാല്ലാമല ബ്ലോക്ക് പഞ്ചായത്തിലെ യുഡിഎഫ്- ആർഎംപി ധാരണ തകർന്നതാണ് മുരളീധരനെ ചൊടിപ്പിച്ചത്. കോൺഗ്രസ് നേതൃത്വത്തോട് പ്രതിഷേധിച്ചാണ് മുരളീധരൻ പ്രചാരണത്തിൽ നിന്ന് പിന്മാറിയത്. കല്ലാമല സീറ്റ് ആർഎംപിക്ക് വിട്ടുകൊടുക്കാൻ ജില്ലാ തലത്തിൽ രൂപീകരിച്ച സമിതി തീരുമാനിച്ചിരുന്നു. ഇതിന് വിരുദ്ധമായി വിമതനായി രംഗത്തു വന്ന കോൺഗ്രസ് പ്രവർത്തകന് കൈപ്പത്തി ചിഹ്നം അനുവദിച്ചതിലുമായിരുന്നു മുരളീധരന്റെ പ്രതിഷേധം. പുതിയ തീരുമാനത്തിന്റെ പശ്ചാത്തലത്തിൽ വടകരയിൽ കെ മുരളീധരൻ യുഡിഎഫിനായി പ്രചരണത്തിന് ഇറങ്ങും.