സംസ്ഥാനത്ത് ഇന്ന് 6324 പേര്ക്ക് കൊവിഡ് സ്ഥിരീകരിച്ചു. ഇതില് 5321 പേര്ക്ക് സമ്പര്ക്കത്തിലൂടെയാണ് രോഗം. 21 മരണങ്ങളും റിപ്പോര്ട്ട് ചെയ്തു. ഇതോടെ ആകെ കൊവിഡ് മരണം 613 ആയി. കൊവിഡ് വ്യാപനത്തില് കേരളം അതീവ ഗുരുതരാവസ്ഥയിലെന്ന് മുഖ്യമന്ത്രി ഓര്മ്മിപ്പിച്ചു. ഇന്ന് ഏറ്റവും കൂടുതല് രോഗബാധ കോഴിക്കോടാണ്. 883 പേര്ക്കാണ് രോഗം. ഇതില് 820 ഉം സമ്പര്ക്ക കേസുകളാണ്.
സംസ്ഥനത്ത് ആകെ 5321 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. ഇതില് 628 പേരുടെ രോഗ ഉറവിടം വ്യക്തമല്ല. നിലവില് 45919 പേര് ആണ് ചികിത്സയിലുള്ളത്. കഴിഞ്ഞ 24 മണിക്കൂറിനിടെ 54989 സാമ്പിള് പരിശോധിച്ചു. കോഴിക്കോട് 883, തിരുവനന്തപുരം 875, മലപ്പുറം 763, എറണാകുളം 590, തൃശൂര് 474, ആലപ്പുഴ 453, കൊല്ലം 440, കണ്ണൂര് 406, പാലക്കാട് 353, കോട്ടയം 341, കാസര്ഗോഡ് 300, പത്തനംതിട്ട 189, ഇടുക്കി 151, വയനാട് 106 എന്നിങ്ങനെയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.