ഗായകൻ എസ് പി ബാലസുബ്രഹ്മണ്യം കൊവിഡ് മുക്തനായി. കൊവിഡ് ഭേദമായെങ്കിലും മറ്റ് രോഗങ്ങൾക്കുള്ള ചികിത്സ തുടരുകയാണ്. മകൻ എസ് പി ചരണാണ് എസ്പിബിയുടെ ആരോഗ്യ വിവങ്ങൾ അറിയിച്ചത്. സാമൂഹ്യമാധ്യമങ്ങളിൽ വീഡിയോ വഴിയാണ് ഇക്കാര്യങ്ങൾ വ്യക്തമാക്കിയത്. വെന്റിലേറ്ററിന്റെ സഹായത്തോടെയാണ് ശ്വസനം നടക്കുന്നത്. ശ്വാസകോശ സംബന്ധമായ മറ്റ് രോഗങ്ങൾ മാറിയാൽ ഉടൻ തന്നെ വെന്റിലേറ്റർ മാറ്റുമെന്ന് ചരൺ അറിയിച്ചു. പിതാവ് ബോധം തിരിച്ചുകിട്ടിയെന്നും, ഐപാഡിൽ വിനോദ പരിപാടികൾ കാണുന്നുണ്ടെന്നും ചരൺ പറഞ്ഞു. എസിപിബിയുടെ വിവാഹ വാർഷികം ആശുപത്രിയിൽ ആഘോഷിച്ചതായും ചരൺ ആരാധകരെ അറിയിച്ചു.
എസ്പിബിയെ കഴിഞ്ഞ മാസം 5 നാണ് ആശുപത്രിയിൽ പ്രവേശിപ്പിച്ചത്. തുടർന്നുള്ള പരിശോധനയിൽ കൊവിഡ് സ്ഥിരീകരിക്കുകയായിരുന്നു. ഇതിനിടെ അദ്ദേഹത്തിന്റെ ആരോഗ്യ നില ഏറെ വഷളായി. ആഗസ്റ്റ് 13 ന് വെന്റിലേറ്ററിൽ പ്രവേശിപ്പിച്ചു. എസിപിബി ആരോഗ്യം വീണ്ടെടുക്കുന്നുവെന്ന വിവരം തെന്നിന്ത്യൻ സിനിമാ രംഗം ഏറെ സന്തോഷത്തോടെയാണ് സ്വീകരിച്ചത്