പ്രധാനമന്ത്രി നരേന്ദ്ര മോദിയുടെ വ്യക്തിഗത ട്വിറ്റർ അക്കൗണ്ട് ഹാക്ക് ചെയ്ത സംഭവത്തിൽ അന്വേഷണം പ്രഖ്യാപിച്ച് ട്വിറ്റർ. മോദിയുടെ വ്യക്തിഗത വെബ്സൈറ്റുമായി ലിങ്ക് ചെയ്തിരുന്ന ട്വിറ്റര് അക്കൗണ്ടാണ് ഹാക്ക് ചെയ്യപ്പെട്ടത്. രാജ്യം ക്രിപ്റ്റോ കറന്സിക്കൊപ്പമാണെന്നും പ്രധാനമന്ത്രിയുടെ ദുരിതാശ്വാസ നിധിയിലേക്ക് ക്രിപ്റ്റോ കറന്സി വഴി സംഭാവന നല്കണമെന്നും ആവശ്യപ്പെടുന്ന ട്വീറ്റുകളാണ് പ്രധാനമന്ത്രിയുടെ ട്വിറ്റര് അക്കൌണ്ടില് വന്നത്.
മോദിയുടെ ട്വിറ്റർ അക്കൗണ്ട് 25 ലക്ഷം ആളുകള് ഫോളോ ചെയ്യുന്നുണ്ട്. ഹാക്കിങ്ങിന് പിന്നില് ജോണ് വിക്ക് ഗ്രൂപ്പാണെന്നാണ് സൂചന. രാജ്യാന്തര തലത്തിൽ നടന്ന ഹാക്കിംഗുകളുടെ തുടർച്ചയാണെന്ന് ഇത് എന്നാണ് പ്രാഥമിക നിരീക്ഷണം. നേരത്തെ, ബാരാക്ക് ഒബാമ, എലോൺ മസ്ക്ക് തുടങ്ങിയവരുടെ ട്വിറ്റ് ഹാക്ക് ചെയ്ത സംഘമാണ് ജോണ് വിക്ക് ഗ്രൂപ്പ്.
ഇന്ന് പുലര്ച്ചെയാണ് അക്കൗണ്ട് ഹാക്ക് ചെയ്തത്. അധികം താമസിയാതെ തന്നെ അക്കൌണ്ടിന്റെ നിയന്ത്രണം ട്വിറ്റര് പുനഃസ്ഥാപിക്കുകയും വ്യാജ ട്വീറ്റുകള് ഒഴിവാക്കുകയും ചെയ്തു. അക്കൌണ്ട് ഹാക്ക് ചെയ്യപ്പെട്ടതായി ട്വിറ്റര് ഇന്ത്യയും സ്ഥിരീകരിച്ചിട്ടുണ്ട്. സംഭവത്തില് പ്രധാനമന്ത്രിയുടെ ഓഫീസ് ഇതുവരെ പ്രതികരിച്ചിട്ടില്ല.