ആഭ്യന്തരമന്ത്രി അമിത് ഷാക്ക് കൊവിഡ് പരിശോധന നടത്തിയിട്ടില്ലെന്ന് കേന്ദ്ര ആഭ്യന്തര മന്ത്രാലയം അറിയിച്ചു. നേരത്തെ, അമിത് ഷായുടെ കൊവിഡ് ഫലം നെഗറ്റീവ് ആണെന്ന് ബിജെപി എംപി മനോജ് തിവാരി ട്വീറ്റ് ചെയ്തിരുന്നു. തൊട്ടുപിന്നാലെയാണ് അവകാശവാദം നിഷേധിച്ചുകൊണ്ട് വിശദീകരണവുമായി ആഭ്യന്തര മന്ത്രാലയം രംഗത്തുവന്നത്.
അതേസമയം, ഇന്ത്യയില് കൊറോണ വൈറസ് കേസുകളുടെ എണ്ണം 21,53,011 ആയി ഉയർന്നു. കഴിഞ്ഞ ദിവസം 64,399 കേസുകൾ കൂടി സ്ഥിരീകരിച്ചു. 6,28,747 പേര് ചികിത്സയിലാണ്. 14,80,885 പേര് രോഗമുക്തരായി എന്നും ആരോഗ്യ കുടുംബക്ഷേമ മന്ത്രാലയം റിപ്പോർട്ട് ചെയ്തു.
രാജ്യത്ത് ഇതുവരെ 43, 379 പേരാണ് വൈറസ് ബാധിച്ച് മരിച്ചത്.