അമേരിക്കയുമായി 25000 കോടിയുടെ ആയുധകരാറിന് ഇന്ത്യ ധാരണയായി. പ്രസിഡന്റ് ഡൊണാൾഡ് ട്രംപിന്റെ ഇന്ത്യാ സന്ദർശനത്തിന് മുന്നോടിയായാണ് പ്രതിരോധ കരാറിന് ധാരണയായത്. 30 സായുധ ഹെലികോപ്റ്ററാണ് ധാരണ പ്രകാരം ഇന്ത്യ അമേരിക്കയിൽ നിന്ന് വാങ്ങുക.
Also Read
24 റോമിയോ ഹെലികോപ്റ്ററുകൾ നാവികസേനക്കും 6 അപ്പാഷെ ഹെലികോപ്റ്ററുകൾ കരസേനക്കുമാണ് വാങ്ങുക. ഏകദേശം 20 ബില്ല്യൺ ഡോളിന്റേതാണ് ഇടപാട്. 5 കൊല്ലത്തിനുള്ളിലാണ് കരാർ നടപ്പാക്കുക. നാവികസേനക്ക് വാങ്ങുന്ന ഹെലികോപ്റ്ററിന്റെ വിലയുടെ 15 ശതമാനം ആദ്യഗഡുവായി നൽകും. 22 അപ്പാഷെ ഹെലികോപ്റ്ററുകൾ നേരത്തെ ഇന്ത്യ വാങ്ങിയിരുന്നു. അമേരിക്കയിൽ നിന്ന് തന്നെയാണ് ഇവ വാങ്ങിയത്. ഇവ നിലവിൽ കരസേനയുടെ ഭാഗമാണ്.
ഈ മാസം 24-നാണ് ട്രംപ് ഇന്ത്യാ സന്ദർശനത്തിന് എത്തുക. അഹമ്മദാബാദിലെത്തുന്ന ട്രംപിനെ നരേന്ദ്രമോദിയുടെ നേതൃത്വത്തിൽ സ്വീകരിക്കും. തുടർന്ന് സബർമതി ആശ്രമം സന്ദർശിക്കുന്ന ട്രംപിന് മൊട്ടേറാ സ്റ്റേഡിയത്തിൽ സ്വീകരണം നൽകും. അടുത്ത ദിവസം ട്രംപിന് ഡൽഹിയിൽ ഔദ്യോഗിക സ്വീകരണം നൽകും.
