'ബിജെപി വാഷിംഗ് മെഷീന്‍ അഴിമതിക്കറ ഇല്ലാതാക്കും'; പരിഹാസവുമായി കോണ്‍ഗ്രസ്

ഡല്‍ഹി: ബിജെപിയില്‍ ചേരുന്ന നേതാക്കളുടെ പേരിലുളള അഴിമതിക്കേസുകളെല്ലാം ഇല്ലാതാകുന്നതിനെ പരിഹസിച്ച് കോണ്‍ഗ്രസ്. വാര്‍ത്താസമ്മേളനത്തില്‍ വാഷിംഗ് മെഷീനുമായെത്തിയാണ് കോണ്‍ഗ്രസിന്റെ പരിഹാസം. അടുത്തിടെ ബിജെപിയില്‍ ചേര്‍ന്ന എന്‍സിപി നേതാവ് പ്രഫുല്‍ പട്ടേലിനെതിരായ 2017-ലെ അഴിമതിക്കേസ് അവസാനിപ്പിച്ചുകൊണ്ട് സി ബി ഐ റിപ്പോര്‍ട്ട് സമര്‍പ്പിച്ച പശ്ചാത്തലത്തിലാണ് കോണ്‍ഗ്രസിന്റെ പ്രതികരണം. എ ഐ സി സി ആസ്ഥാനത്ത് നടന്ന വാര്‍ത്താ സമ്മേളനത്തില്‍ മുതിര്‍ന്ന കോണ്‍ഗ്രസ് നേതാവ് പവന്‍ ഖേരയാണ് വാഷിംഗ് മെഷീനുമായെത്തിയത്. 

അഴിമതിയെ പ്രതിനിധീകരിച്ചുളള ഒരു വെളള നിറമുളള ടീഷര്‍ട്ട് പവന്‍ ഖേര ഉയര്‍ത്തിക്കാണിച്ചു. ബിജെപിയുടെ വാഷിംഗ് മെഷീനിലിട്ടാല്‍ ഉടന്‍ അത് വൃത്തിയാകുമെന്നും അദ്ദേഹം  പറഞ്ഞു. 'ഈ വാഷിംഗ് മെഷീന്റെ വില 8500 കോടിയിലധികമാണ്. ഇലക്ടറല്‍ ബോണ്ടുകള്‍ വഴിയാണ് പണം ലഭിച്ചത്. 'മോദി വാഷിംഗ് പൗഡര്‍' ഉപയോഗിച്ചാല്‍ അഴിമതിക്കറ ഫലപ്രദമായി മാറും'- പവന്‍ ഖേര പറഞ്ഞു. 

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

മോദി വാഷിംഗ് പൗഡര്‍ എന്ന ലഘുലേഖയും വാര്‍ത്താ സമ്മേളനത്തിനെത്തിയവര്‍ക്ക് വിതരണം ചെയ്തു. ഹിമന്ത ബിശ്വ ശര്‍മ, അശോക് ചവാന്‍, അജിത് പവാര്‍ തുടങ്ങിയ നേതാക്കള്‍ക്കെതിരായ അഴിമതി ആരോപണങ്ങളില്‍ ബിജെപി മൗനം പാലിക്കുകയാണെന്ന് അദ്ദേഹം പറഞ്ഞു. പല കേസുകളും നേതാക്കളെ അപകീര്‍ത്തിപ്പെടുത്താനായി കെട്ടിച്ചമച്ചതാണെന്നും അതുവഴി അവരെ ഭീഷണിപ്പെടുത്തി ബിജെപിയിലേക്ക് കൊണ്ടുപോവുകയായിരുന്നെന്നും പവന്‍ ഖേര കൂട്ടിച്ചേര്‍ത്തു.

Contact the author

National Desk

Recent Posts

National Desk 2 weeks ago
National

ജൂണ്‍ രണ്ടിന് ജയിലിലേക്ക് മടങ്ങും, എന്റെ ജീവന്‍ നഷ്ടമായാലും ഏകാധിപത്യത്തിനെതിരായ പോരാട്ടം തുടരണം- അരവിന്ദ് കെജ്രിവാള്‍

More
More
National Desk 2 weeks ago
National

ഗാന്ധിജിയെ ലോകമറിഞ്ഞത് സിനിമയിലൂടെയെന്ന പരാമര്‍ശത്തില്‍ മോദിക്കെതിരെ കേസ്

More
More
National Desk 2 weeks ago
National

പ്രജ്വല്‍ രേവണ്ണ അറസ്റ്റില്‍; പിടിയിലായത് 34 ദിവസത്തിനുശേഷം

More
More
National Desk 2 weeks ago
National

ചരിത്രത്തില്‍ ഒരു പ്രധാനമന്ത്രിയും ഇങ്ങനെ വര്‍ഗീയത പറഞ്ഞിട്ടില്ല; മോദിക്കെതിരെ മന്‍മോഹന്‍ സിംഗ്

More
More
National Desk 2 weeks ago
National

ലോകത്തെ ഏറ്റവും രുചികരമായ ഭക്ഷണം ലഭിക്കുന്ന സ്ഥലങ്ങളുടെ പട്ടികയില്‍ ഇടംനേടി മുംബൈയും

More
More
National Desk 2 weeks ago
National

പ്രായശ്ചിത്തം ചെയ്യാനാണ് മോദി ധ്യാനത്തിന് പോകുന്നതെങ്കില്‍ നല്ലത്- കപില്‍ സിബല്‍

More
More