മലപ്പുറം: ലോക്സഭാ തെരഞ്ഞെടുപ്പിനുളള മുസ്ലീം ലീഗ് സ്ഥാനാര്ത്ഥികളെ പ്രഖ്യാപിച്ചു. മലപ്പുറത്ത് ഇടി മുഹമ്മദ് ബഷീറും പൊന്നാനിയില് അബ്ദുസമദ് സമദാനിയും മത്സരിക്കും. ഇടി പൊന്നാനിയിലും സമദാനി മലപ്പുറത്തും സിറ്റിംഗ് എംപിമാരാണ്. രണ്ടുപേരും മണ്ഡലം വെച്ചുമാറുകയാണ് ഉണ്ടായത്. തമിഴ്നാട്ടിലെ രാമനാഥപുരം സീറ്റിലേക്കും ലീഗ് സ്ഥാനാര്ത്ഥിയെ പ്രഖ്യാപിച്ചു. സിറ്റിംഗ് എംപി നവാസ് കനി തന്നെയാണ് ഇത്തവണയും രാമനാഥപുരത്ത് മത്സരിക്കുക.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ലീഗ് പാര്ലമെന്ററി യോഗത്തിനുശേഷം സംസ്ഥാന പ്രസിഡന്റ് പാണക്കാട് സാദിഖലി തങ്ങളാണ് സ്ഥാനാര്ത്ഥികളെ പ്രഖ്യാപിച്ചത്. മൂന്നാം സീറ്റിന് പകരം ലീഗിന് ലഭിക്കുന്ന രാജ്യസഭാ സീറ്റിലേക്ക് സ്ഥാനാര്ത്ഥിയെ പിന്നീട് പ്രഖ്യാപിക്കുമെന്നും ലീഗ് നേതൃത്വം അറിയിച്ചു. യുഡിഎഫിന്റെ വിജയത്തിനായി പ്രവര്ത്തിക്കുമെന്ന് സ്ഥാനാര്ത്ഥി പ്രഖ്യാപനത്തിനുശേഷം സാദിഖലി തങ്ങള് പറഞ്ഞു. ഇന്ത്യാ മുന്നണി അധികാരത്തില് വരുമെന്ന് പ്രതീക്ഷിക്കുന്നതായി പി കെ കുഞ്ഞാലിക്കുട്ടി പറഞ്ഞു.