സേലം: അയോധ്യയില്‍ രാമക്ഷേത്രം നിര്‍മ്മിച്ചതുകൊണ്ട് ബിജെപിക്ക് തമിഴ്‌നാട്ടില്‍ വോട്ടുകിട്ടില്ലെന്ന് മുഖ്യമന്ത്രി എംകെ സ്റ്റാലിന്‍. ബിജെപിക്ക് തമിഴ്‌നാട്ടിലെ ജനങ്ങളെ ഇതുവരെ മനസിലായിട്ടില്ലെന്നും ഇത് പെരിയാറിന്റെയും അണ്ണാദുരൈയുടെയും കരുണാനിധിയുടെയും നാടാണെന്നും എംകെ സ്റ്റാലിന്‍ പറഞ്ഞു. ഡിഎംകെ യൂത്ത് വിങിന്റെ സംസ്ഥാന കോണ്‍ഫറന്‍സില്‍ സംസാരിക്കുകയായിരുന്നു അദ്ദേഹം.
'അവര്‍ (ബിജെപി) കരുതുന്നത് തിരുക്കുറള്‍ വായിക്കുന്നതുകൊണ്ടും പൊങ്കല്‍ ആഘോഷിക്കുന്നതുകൊണ്ടും അയോധ്യയില്‍ രാമക്ഷേത്രം നിര്‍മ്മിക്കുന്നതുകൊണ്ടും തമിഴ്‌നാട്ടിലെ ജനങ്ങള്‍ അവര്‍ക്ക് വോട്ടുചെയ്യും എന്നാണ്. അവര്‍ക്ക് നമ്മളെ ഇതുവരെ മനസിലായിട്ടില്ല. ഇത് പെരിയാറിന്റെ നാടാണ്. അണ്ണാദുരൈയുടെ നാടാണ്. കലൈഞ്ജറുടെ (കരുണാനിധി) നാടാണ്'- എം കെ സ്റ്റാലിന്‍ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'നരേന്ദ്രമോദി രണ്ടുതവണ പ്രധാനമന്ത്രിയായി, എന്നാല്‍ രണ്ടുതവണയും തമിഴ്‌നാട്ടിലെ ജനങ്ങള്‍ അദ്ദേഹത്തിനോ അവരുടെ പാര്‍ട്ടിക്കോ വോട്ട് ചെയ്തില്ല. ഇത്തവണയും തമിഴ്‌നാട്ടില്‍ ആ ചരിത്രം ആവര്‍ത്തിക്കും. രാജ്യത്തിന്റെ മറ്റ് ഭാഗങ്ങളും അത് പിന്തുടരും'- അദ്ദേഹം കൂട്ടിച്ചേര്‍ത്തു.
