2023ൽ ഏറ്റവും കൂടുതൽ ഗോൾ നേടിയ താരമായി ഫുട്ബോള് ഇതിഹാസം ക്രിസ്റ്റ്യാനോ റൊണാൾഡോ. 54 ഗോളുകളാണ് റൊണാൾഡോയുടെ ഈ വര്ഷത്തെ കരിയറിലെ സമ്പാദ്യം. 52 ഗോള് വീതം നേടിയ ഹാരി കെയിനിനെയും കിലിയൻ എംബാപ്പെയെയും പിന്നിലാക്കിയാണ് റൊണാൾഡോ നമ്പര് വണ് ആയത്. 50 ഗോൾ നേടിയ മാഞ്ചസ്റ്റർ സിറ്റിയുടെ നോർവേക്കാരൻ എർലിങ് ഹാലണ്ടും ഗോള് നേട്ടക്കാരുടെ പട്ടികയില് ഉണ്ട്. സൂപ്പര് ലയണൽ മെസ്സി ഈ വര്ഷം 44 മത്സരങ്ങളിൽ നിന്ന് 28 ഗോളുകളാണ് നേടിയത്.
അഞ്ചാം വട്ടമാണ് ക്രിസ്റ്റ്യാനോ വാര്ഷിക ടോപ് സ്കോറര് നേട്ടം സ്വന്തമാക്കുന്നത്. പോര്ച്ചുഗല് ടീമിനായി ഈ വര്ഷം 9 മല്സരങ്ങള് കളിച്ച ക്രിസ്റ്റ്യാനോ 10 ഗോളുകള് നേടിയിരുന്നു.
കഴിഞ്ഞ വര്ഷം ഖത്തര് ലോകകപ്പില് നിരാശയോടെ മടങ്ങിയ താരം, 2023 ല് ലോക ഫുട്ബോളില് വമ്പന് പ്രകടനമാണ് കാഴ്ചവച്ചത്. ഗോളടിക്കാന് അവസരം ഒരുക്കുന്നതുലും താരം മുന്നില് തന്നെ. ഈ സീസണില് 9 ഗോളുകൾക്കാണ് റൊണാൾഡോ അസിസ്റ്റ് ചെയ്തത്. സൗദി പ്രോ ലീഗ് ഈ സീസണിൽ 19 മത്സരങ്ങളിൽ നിന്ന് 20 ഗോളുകൾ നേടിയ ക്രിസ്റ്റ്യാനോ റൊണാൾഡോ നിലവിൽ ഗോൾഡൻ ബൂട്ടിനായുള്ള മത്സരത്തിലും ഒന്നാമതാണ്.