ഫലസ്തീനില്‍ കൊല്ലപ്പെടുന്നത് നിരപരാധികള്‍; മനുഷ്യാവകാശ നിയമങ്ങള്‍ പാലിക്കപ്പെടണം - കമലാ ഹാരിസ്

ദുബായ്: ഫലസ്തീനില്‍ കൊല്ലപ്പെടുന്നത് നിരപരാധികളാണെന്ന് യുഎസ് വൈസ് പ്രസിഡന്റ് കമലാ ഹാരിസ്. സ്വയം പ്രതിരോധിക്കാനുളള ഇസ്രായേലിന്റെ അവകാശത്തെ അംഗീകരിക്കുന്നുവെന്നും ഫലസ്തീനിലെ സാധാരണ പൗരന്മാരെ സംരക്ഷിക്കാന്‍ ഇസ്രായേല്‍ കൂടുതല്‍ നടപടി സ്വീകരിക്കണമെന്നും കമലാ ഹാരിസ് പറഞ്ഞു. യുഎന്നിന്റെ കോപ് 28 കാലാവസ്ഥാ സമ്മേളനത്തില്‍ പങ്കെടുത്ത് സംസാരിക്കുകയായിരുന്നു അവര്‍. 

'ഇസ്രായേലിന് സ്വയം പ്രതിരോധിക്കാനുളള അവകാശമുണ്ട്. എന്നാല്‍ അന്താരാഷ്ട്ര മാനുഷിക നിയമങ്ങള്‍ പാലിക്കപ്പെടേണ്ടതുണ്ട്. നിരവധി നിരപരാധികളായ  ഫലസ്തീനികളാണ് യുദ്ധത്തില്‍ കൊല്ലപ്പെടുന്നത്. ഗാസയില്‍ നിന്ന് വരുന്ന ചിത്രങ്ങളും വീഡിയോകളും ഹൃദയഭേദകമാണ്. ഫലസ്തീനിലെ സാധാരണക്കാരെ സംരക്ഷിക്കാന്‍ ഇസ്രായേല്‍ നടപടിയെടുക്കണം'- കമലാ ഹാരിസ് പറഞ്ഞു. 

മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക 

ഒരാഴ്ച്ച നീണ്ട താല്‍ക്കാലിക വെടിനിര്‍ത്തല്‍ വെളളിയാഴ്ച്ച അവസാനിച്ചതിനുപിന്നാലെ ഇസ്രായേല്‍ ആരംഭിച്ച വ്യോമാക്രമണത്തില്‍ തെക്കന്‍ ഗാസയില്‍ 193 പേര്‍ കൊല്ലപ്പെട്ടിരുന്നു. 650 പേര്‍ക്ക് പരിക്കേറ്റു. ഒക്ടോബര്‍ ഏഴിന് ആരംഭിച്ച യുദ്ധത്തില്‍ ഇതുവരെ 15,200 ഫലസ്തീനീകളാണ് കൊല്ലപ്പെട്ടത്. ഇതില്‍ 70 ശതമാനവും സ്ത്രീകളും കുട്ടികളുമാണ്.