അടുത്ത ജന്മം ബ്രാഹ്‌മണനായി ജനിക്കണമെന്ന് ആഗ്രഹിക്കുന്ന സുരേഷ് ഗോപിയെ ഓര്‍ത്ത് ലജ്ജിക്കുന്നു- സംവിധായകന്‍ കമല്‍

കൊല്ലം: അടുത്ത ജന്മം ബ്രാഹ്‌മണനായി ജനിക്കണമെന്ന് ആഗ്രഹിക്കുന്ന നടന്‍ സുരേഷ് ഗോപിയെ ഓര്‍ത്ത് ലജ്ജിക്കുന്നുവെന്ന് സംവിധായകന്‍ കമല്‍. അടുത്ത ജന്മം ബ്രാഹ്‌മണനായി പുനര്‍ജനിക്കണമെന്ന് ആഗ്രഹിക്കുന്ന അദ്ദേഹത്തിന്റെ സവര്‍ണ ബോധം സ്വന്തം മാതാപിതാക്കളെപ്പോലും തളളിപ്പറയുന്നതാണെന്ന് സുരേഷ് ഗോപി മറന്നുപോയെന്നും സംഘപരിവാറിലേക്ക് ഇറങ്ങിക്കഴിഞ്ഞാലുളള പ്രശ്‌നമാണിതെന്നും കമല്‍ പറഞ്ഞു. കൊല്ലത്ത് എന്‍ജിഒ യൂണിയന്‍ സംസ്ഥാന കലോത്സവം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. 

'എന്റെ സഹപ്രവര്‍ത്തകനുണ്ട്, കൊല്ലംകാരനായ വലിയ നടന്‍ പറഞ്ഞതെന്താണ്? അടുത്ത ജന്മത്തില്‍ എനിക്ക് ബ്രാഹ്‌മണനായി ജനിക്കണം എന്നാണ്. ഇന്ത്യയുടെ പേര് ഭാരതം എന്നാക്കണം എന്ന് പറഞ്ഞ മനുഷ്യനെപ്പോലെ തന്നെ അശ്ലീലമായി, ലജ്ജിക്കേണ്ട തരത്തിലേക്ക് എന്റെ സുഹൃത്ത് മാറിയതില്‍ എനിക്ക് ലജ്ജയുണ്ട്. അടുത്ത ജന്മത്തില്‍ ബ്രാഹ്‌മണനായി ജനിക്കണം എന്ന് പറയുമ്പോള്‍ അദ്ദേഹത്തെ നയിക്കുന്നത് സവര്‍ണബോധമാണ്. അങ്ങനെ പറയുന്നതു വഴി സ്വന്തം മാതാവിനെയും പിതാവിനെയും തളളിപ്പറയുകയാണ് എന്നുപോലും മറന്നുപോകുന്നു. അപരമത വിദ്വേഷവും അപരജാതി വിദ്വേഷവും എത്രത്തോളമെത്തി എന്നതിന്റെ തെളിവാണത്.  

മുസിരിസ് പോസ്റ്റിനെ ടെലഗ്രാംവാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

അതാണ് സംഘപരിവാറിന്റെ പ്രശ്‌നം. അതിലേക്ക് ഇറങ്ങിക്കഴിഞ്ഞാല്‍ ഭീമന്‍ രഘുവിനെപ്പോലെ എഴുന്നേറ്റ് നില്‍ക്കും ഭക്തി കാണിക്കും. പിണറായി വിജയന്റെ മുന്നില്‍ എഴുന്നേറ്റ് നില്‍ക്കുന്നത് ബഹുമാനമല്ല അശ്ലീലമാണെന്ന് ഭീമന്‍ രഘുവിന് മനസിലായിട്ടില്ല. കാരണം അദ്ദേഹം കുറേക്കാലം മറ്റേ പാളയത്തിലായിരുന്നു. ഭീമന്‍ രഘുവിന്റെ നില്‍പ്പ് കാണുമ്പോള്‍ സിനിമാക്കാരെന്ന നിലയ്ക്ക് നമ്മളൊക്കെ ലജ്ജിക്കുകയാണ്. ഇവര്‍ക്ക് രാഷ്ട്രീയ വിദ്യാഭ്യാസം ഏത് രീതിയിലാണ് കിട്ടുന്നതെന്ന് ഓര്‍ക്കുമ്പോള്‍ ലജ്ജ തോന്നുകയാണ്. ഇതല്ല നമ്മുടെ ഇന്ത്യയെന്ന് പുതിയ കാലഘട്ടം മനസിലാക്കണം. നമ്മള്‍ സ്വപ്‌നം കണ്ടിരുന്ന ഒരിന്ത്യയുണ്ട്. ഗാന്ധിജിയും അംബേദ്കറും നെഹ്‌റുവുമൊക്കെ പുതിയ തലമുറയുടെ കൈകളിലേല്‍പ്പിച്ചൊരു ഇന്ത്യയുണ്ട്. അത് കാത്തുസൂക്ഷിക്കേണ്ട വലിയ ഉത്തരവാദിത്തം നമുക്കുണ്ട്'- എന്നാണ് കമല്‍ പറഞ്ഞത്.

Contact the author

Web Desk

Recent Posts

Web Desk 19 hours ago
Keralam

ഇങ്ങനെ 'രക്തസാക്ഷികളെ' ഉണ്ടാക്കുന്നത് അപമാനം- സി ദിവാകരന്‍

More
More
Web Desk 22 hours ago
Keralam

ബോംബ് നിര്‍മ്മാണത്തിനിടെ കൊല്ലപ്പെട്ടവര്‍ക്കുളള 'സ്മൃതി മണ്ഡപം' : എം വി ഗോവിന്ദന്‍ ഉദ്ഘാടനം ചെയ്യും

More
More
Web Desk 1 day ago
Keralam

ഇപി ജയരാജന്‍ വധശ്രമക്കേസ്; കെ സുധാകരനെ കുറ്റവിമുക്തനാക്കി കോടതി

More
More
Web Desk 2 days ago
Keralam

ജാതീയ അധിക്ഷേപം; സത്യഭാമയ്ക്ക് ഇടക്കാല ജാമ്യം അനുവദിച്ച് ഹൈക്കോടതി

More
More
Web Desk 2 days ago
Keralam

തലസ്ഥാന നഗരമുള്‍പ്പെടെ വെളളത്തില്‍ മുങ്ങി; ദേശീയപാതാ നിര്‍മ്മാണം അശാസ്ത്രീയമെന്ന് വി ഡി സതീശന്‍

More
More
Web Desk 2 days ago
Keralam

സംസ്ഥാനത്തെ തദ്ദേശ വാര്‍ഡുകളില്‍ ഒരു വാര്‍ഡ് കൂടും; ഓര്‍ഡിനന്‍സ് ഇറക്കാന്‍ മന്ത്രിസഭാ യോഗത്തില്‍ തീരുമാനം

More
More