വിഴിഞ്ഞം അന്താരാഷ്ട്ര തുറമുഖം ഇടതുപക്ഷ ജനാധിപത്യ മുന്നണിയുടെ ലക്ഷ്യപ്രാപ്തിയുടെ വിജയം കൂടിയാണെന്ന് എൽഡിഎഫ് കൺവീനർ ഇ പി ജയരാജൻ. "തുറമുഖം നാളെ രാജ്യത്തിന് മുഖ്യമന്ത്രി സമർപ്പിക്കുകയാണ്. അന്താരാഷ്ട്ര കപ്പൽ ചാനലിന് അടുത്താണ് തുറമുഖം എന്നുള്ളത് മറ്റാർക്കും ലഭിക്കാത്ത ഒന്നാണ്. സംസ്ഥാനത്തിൻറെ സമഗ്ര വികസനത്തിന് വിഴിഞ്ഞം സഹായകരമാകും"- ഇ പി ജയരാജൻ പറഞ്ഞു.
ദേശീയ പാത, ഗെയില് പൈപ്പ് ലൈന്, ഇടമണ് കൊച്ചി പവര് ഹൈവേ, കൊച്ചി മെട്രോ തുടങ്ങിയ വികസന പ്രവര്ത്തനങ്ങള് പോലെ എല്.ഡി.എഫ് സര്ക്കാര് മികച്ച പരിഗണനയാണ് വിഴിഞ്ഞം തുറമുഖത്തിനും നല്കിയത്. പ്രകൃതിദുരന്തങ്ങളും, മഹാമാരിയും പദ്ധതി പ്രവര്ത്തനത്തെ ചെറിയ തോതില് ബാധിച്ചുവെങ്കിലും ഓരോ ഘടകങ്ങളും സമയക്രമം ഉറപ്പാക്കി പദ്ധതി പൂര്ത്തീകരിക്കാന് പിണറായി സര്ക്കാറിന് കഴിഞ്ഞുവെന്നും ഇ പി ജയരാജൻ വ്യക്തമാക്കി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, വിഴിഞ്ഞം തുറമുഖത്തിന്റെ രണ്ടും മൂന്നും ഘട്ടങ്ങളുടെ പ്രഖ്യാപനം നാളെ ഉണ്ടായേക്കും. ആദ്യ കപ്പലിന് സ്വീകരണം നൽകുന്ന ചടങ്ങിൽ വച്ച് അദാനിപോർട്സ് സി.ഇ.ഒ കരൺ അദാനി ഇക്കാര്യം പ്രഖ്യാപിച്ചേക്കുമെന്ന് മലയാള മനോരമ റിപ്പോര്ട്ട് ചെയ്യുന്നു. പതിനായിരം കോടിയാണ് അടുത്ത ഘട്ടത്തിന്റെ ചെലവ്.