ജയ്ശ്രീറാമെന്നും ഭാരത് മാതാ കീ ജയ് എന്നും പറഞ്ഞ് വരുന്നവര്‍ക്ക് വോട്ടുചെയ്യരുത്- വരുണ്‍ ഗാന്ധി

ലക്‌നൗ: ജയ്ശ്രീറാമെന്നും ഭാരത് മാതാ കീ ജയ് എന്നും പറഞ്ഞ് വരുന്നവര്‍ക്ക് വോട്ടുചെയ്യരുതെന്ന് ബിജെപി നേതാവും എംപിയുമായ വരുണ്‍ ഗാന്ധി. സ്വന്തം തലച്ചോര്‍ പ്രയോഗിച്ചുവേണം ആര്‍ക്ക് വോട്ടുചെയ്യണമെന്ന് തീരുമാനിക്കാനെന്നും അദ്ദേഹം പറഞ്ഞു. തന്റെ മണ്ഡലമായ പിലിബിത്തില്‍ നടന്ന പാര്‍ട്ടി പരിപാടിയില്‍ സംസാരിക്കുകയായിരുന്നു അദ്ദേഹം. 'ആര്‍ക്കും വോട്ടുചെയ്യൂ. പക്ഷെ നിങ്ങളുടെ തലച്ചോര്‍ ഉപയോഗിച്ച ശേഷമേ അത് പാടുളളു. ഭാരത് മാതാ കീ ജയ്, ജയ് ശ്രീറാം എന്ന വിളികള്‍ കേട്ട് വോട്ടുചെയ്യരുത്. കാരണം, അതിനുശേഷം നിങ്ങള്‍ വെറുമൊരു നമ്പറായി മാറും. നിങ്ങള്‍ അങ്ങനെ വെറും നമ്പറായി മാറാന്‍ ഞാന്‍ ആഗ്രഹിക്കുന്നില്ല'- വരുണ്‍ ഗാന്ധി പറഞ്ഞു. 

പരിപാടിക്കിടെ വരുണ്‍ യുപി മുഖ്യമന്ത്രി യോഗി ആദിത്യനാഥിനെ പരോക്ഷമായി പരിഹസിക്കുകയും ചെയ്തു. താന്‍ പ്രസംഗിക്കുന്നതിനിടെ അടുത്തുനിന്ന സന്യാസിയുടെ ഫോണിലേക്ക് കോള്‍ വന്നപ്പോള്‍, സന്യാസി വരുംകാലത്ത് മുഖ്യമന്ത്രിയാകില്ലെന്ന് ആരുകണ്ടു എന്നാണ് വരുണ്‍ ഗാന്ധി പറഞ്ഞത്. തന്റെ പ്രസംഗത്തില്‍ ഗാന്ധി കുടുംബത്തെയും അദ്ദേഹം പ്രശംസിച്ചു. മധുരമായി സംസാരിച്ച് വോട്ട് തട്ടിയെടുക്കുന്നവരെപ്പോലെയല്ല ഗാന്ധി കുടുംബമെന്നാണ് വരുണ്‍ പറഞ്ഞത്. 

ബിജെപിക്കും കേന്ദ്ര-സംസ്ഥാന സര്‍ക്കാരുകള്‍ക്കുമെതിരെ നിരന്തരം വിമര്‍ശനമുന്നയിക്കുന്നയാളാണ് വരുണ്‍ ഗാന്ധി. നേരത്തെ, കര്‍ഷക സമരം, ലഖിംപൂര്‍ കൂട്ടക്കൊല, പാചക വാതക വിലവര്‍ധന, അഗ്നിപഥ് പദ്ധതി, യുക്രൈന്‍ രക്ഷാപ്രവര്‍ത്തനം തുടങ്ങിയ വിഷയങ്ങളില്‍ കേന്ദ്രത്തിനെതിരെ വിമര്‍ശനവുമായി വരുണ്‍ രംഗത്തെത്തിയിരുന്നു. 

Contact the author

National Desk

Recent Posts

National Desk 2 weeks ago
National

ജൂണ്‍ രണ്ടിന് ജയിലിലേക്ക് മടങ്ങും, എന്റെ ജീവന്‍ നഷ്ടമായാലും ഏകാധിപത്യത്തിനെതിരായ പോരാട്ടം തുടരണം- അരവിന്ദ് കെജ്രിവാള്‍

More
More
National Desk 2 weeks ago
National

ഗാന്ധിജിയെ ലോകമറിഞ്ഞത് സിനിമയിലൂടെയെന്ന പരാമര്‍ശത്തില്‍ മോദിക്കെതിരെ കേസ്

More
More
National Desk 2 weeks ago
National

പ്രജ്വല്‍ രേവണ്ണ അറസ്റ്റില്‍; പിടിയിലായത് 34 ദിവസത്തിനുശേഷം

More
More
National Desk 2 weeks ago
National

ചരിത്രത്തില്‍ ഒരു പ്രധാനമന്ത്രിയും ഇങ്ങനെ വര്‍ഗീയത പറഞ്ഞിട്ടില്ല; മോദിക്കെതിരെ മന്‍മോഹന്‍ സിംഗ്

More
More
National Desk 2 weeks ago
National

ലോകത്തെ ഏറ്റവും രുചികരമായ ഭക്ഷണം ലഭിക്കുന്ന സ്ഥലങ്ങളുടെ പട്ടികയില്‍ ഇടംനേടി മുംബൈയും

More
More
National Desk 2 weeks ago
National

പ്രായശ്ചിത്തം ചെയ്യാനാണ് മോദി ധ്യാനത്തിന് പോകുന്നതെങ്കില്‍ നല്ലത്- കപില്‍ സിബല്‍

More
More